സൗബിൻ ഷാഹിറിനെ പ്രധാന കഥാപാത്രമാക്കി സിദ്ധാർഥ് ഭരതൻ ഒരുക്കുന്ന ‘ജിന്നിന്റെ’ ടീസർ എത്തി. ഏറെ ആകാംക്ഷ ജനിപ്പിക്കുന്ന ടീസറിൽ സൗബിന്റെ പ്രകടനം തന്നെയാണ് പ്രധാന ആകർഷണം.
കെപിഎസി ലളിതയുടെ ജൻമദിനത്തിൽ ഹൃദയഹാരിയായ കുറിപ്പ് പങ്കുവെച്ചുകൊണ്ടാണ് സിദ്ധാർഥ് ടീസർ പുറത്തുവിട്ടത്. ശുഭകരമായ ഈ ദിവസം തന്നെ ജോലിയിലേക്ക് തിരികെ പ്രവേശിക്കുകയാണെന്നാണ് സിദ്ധാർഥ് സമൂഹ മാദ്ധ്യമത്തിൽ പങ്കുവെച്ച കുറിപ്പിൽ പറഞ്ഞത്.
View this post on Instagram
‘കലി’ എന്ന ചിത്രത്തിനു ശേഷം രാജേഷ് ഗോപിനാഥൻ തിരക്കഥ എഴുതുന്ന ‘ജിന്നി’ൽ ശാന്തി ബാലചന്ദ്രനാണ് നായികയായി എത്തുന്നത്. ഷറഫുദ്ദീൻ, ഷൈൻ ടോം ചാക്കോ, സാബുമോൻ എന്നിവരാണ് മറ്റ് താരങ്ങൾ.
ഗിരീഷ് ഗംഗാധരൻ ഛായാഗ്രഹണം നിർവഹിക്കുന്ന ചിത്രത്തിന് സംഗീതം ഒരുക്കുന്നത് പ്രശാന്ത് പിള്ളയാണ്. ആർട്ട് ഗോകുൽദാസ്– അഖിൽകാജ്.
Most Read: ചിമ്പുവിന്റെ മാനനഷ്ട കേസ്; നിര്മാതാക്കളുടെ സംഘടനയ്ക്ക് പിഴ