കണ്ണൂര്: കണ്ണൂരില് കൊല്ലപ്പെട്ട എസ് ഡി പി ഐ പ്രവര്ത്തകന് സലാഹുദ്ദീന് കോവിഡ് സ്ഥിരീകരിച്ചു. തലശേരി ജനറല് ആശുപത്രിയിലാണ് സ്രവ പരിശോധന നടത്തിയത്. വെട്ടേറ്റ ശേഷം ആശുപത്രിയിലേക്ക് കൊണ്ടുപോയ നാട്ടുകാര്, ആംബുലന്സ് ഡ്രൈവര്, പൊലീസുകാര് ഉള്പ്പെടെ നിരീക്ഷണത്തില് പോകാന് ആരോഗ്യവകുപ്പ് നിര്ദേശിച്ചു.
ഇന്നലെയാണ് കണ്ണൂര് ചിറ്റാരിപ്പറമ്പില് വച്ച് ഒരു സംഘം ആളുകളുടെ വെട്ടേറ്റ് സലാഹുദ്ധീന് കൊല്ലപ്പെട്ടത്. സഹോദരിമാരോടൊപ്പം കാറില് സഞ്ചരിക്കവേ ആളൊഴിഞ്ഞ പ്രദേശത്തു വച്ച് കാറില് ബൈക്ക് ഇടിച്ചു പ്രകോപനം സൃഷ്ടിച്ച ശേഷമായിരുന്നു ആക്രമണം. തലക്കും കഴുത്തിനും മാരകമായി വെട്ടേറ്റിരുന്നു.
എ ബി വി പി പ്രവര്ത്തകന് ശ്യാമപ്രസാദിനെ കൊലപ്പെടുത്തിയ കേസിലെ പ്രതിയെന്ന നിലക്ക് സലാഹുദ്ദീന് നേരെ ഭീഷണിയുണ്ടായിരുന്നു. പ്രതികള് സഞ്ചരിച്ച ബൈക്ക് കണ്ടെത്താനുള്ള ശ്രമത്തിലാണ് പൊലീസ്. പ്രദേശത്തെ സി സി ടി വി ദൃശ്യങ്ങളും പരിശോധിക്കുന്നുണ്ട്.
Related News: ആര്.എസ്.എസ് പ്രവര്ത്തകനെ വധിച്ച കേസിലെ പ്രതി വെട്ടേറ്റു മരിച്ചു