ആലപ്പുഴ: ചെങ്ങന്നൂരിൽ തട്ടുകട ഉടമയായ വയോധികൻ ആത്‌മഹത്യക്ക് ശ്രമിച്ചു. കൊല്ലം – തേനി പാതയുടെ വികസനവുമായി ബന്ധപ്പെട്ട് ശനിയാഴ്‌ച രാവിലെ വഴിയോര കച്ചവടക്കാരെ ഒഴിപ്പിക്കുന്നതിനിടെയാണ് തട്ടുകട ഉടമയായ കണിയാരിക്കൽ വീട്ടിൽ വേണു (60) ആത്‌മഹത്യാശ്രമം നടത്തിയത്. എംസി റോഡിൽ പുത്തൻവീട്ടിൽ പടി കവലക്കു സമീപമാണ് സംഭവം.
ഒഴിപ്പിക്കൽ നടപടിക്കായി ഉദ്യോഗസ്‌ഥർ എത്തിയപ്പോൾ വേണു പെട്രോൾ ദേഹത്ത് ഒഴിച്ച് ആത്‌മഹത്യാ ഭീഷണി മുഴക്കി. പോലീസ് വിവരമറിയിച്ചതിനെ തുടർന്ന് ഫയർഫോഴ്സ് സ്‌ഥലത്തെത്തിയെങ്കിലും ഇയാൾ പിടി കൊടുക്കാതെ ഓടുകയായിരുന്നു. രോഗവും കടബാധ്യതകളുംമൂലം പ്രയാസമനുഭവിക്കുന്ന വ്യക്‌തിയാണ് വേണു എന്നാണ് പോലീസ് പറയുന്നത്. നിലവിൽ ഇയാളെ കസ്‌റ്റഡിയിൽ എടുത്തിട്ടുണ്ട്.
Read also: രാജസ്‌ഥാനിൽ ‘ലാൻഡ് ജിഹാദ്’ എന്ന് ബിജെപി എംഎൽഎ
