മഞ്ചേരി: എസ്വൈഎസ് മലപ്പുറം ഈസ്ററ് ജില്ലാ കമ്മിറ്റിയുടെ ആസ്‌ഥാന മന്ദിരമായ ജില്ലാ യൂത്ത് സ്‌ക്വയർ മഞ്ചേരിയിൽ ഉൽഘാടനം ചെയ്‌തു.
യുവസമൂഹത്തെയും ആധുനിക കാലത്തെയും പൂർണമായും ഉൾകൊള്ളാൻ കഴിയുന്ന രീതിയിലാണ് നിർമാണം. നിലവിൽ, കോൺഫറൻസ് ഹാൾ, ക്യാബിനറ്റ് ഹാൾ, ട്രെയിനിങ് സെൻറർ, റീഡ് ഷെൽഫ് തുടങ്ങിയ സൗകര്യങ്ങളാണ് യൂത്ത് സ്‌ക്വയറിൽ ഒരുക്കിയിട്ടുള്ളത്. കേരള മുസ്‌ലിം ജമാഅത്ത് സംസ്‌ഥാന ജനറൽ സെക്രട്ടറി സയ്യിദ് ഇബ്രാഹീമുൽ ഖലീലുൽ ബുഖാരി തങ്ങളാണ് മന്ദിരത്തിന്റെ ഉൽഘാടനം നിർവഹിച്ചത്.
ഇകെ മുഹമ്മദ് കോയ സഖാഫി അധ്യക്ഷത വഹിച്ചു. വണ്ടൂർ അബ്‌ദുറഹ്‌മാൻ ഫൈസി, കൂറ്റമ്പാറ അബ്‌ദുറഹ്‌മാൻ ദാരിമി, മജീദ് കക്കാട്, സൈദലവി ദാരിമി ആനക്കയം, മുഹമ്മദ് പറവൂർ, റഹ്‍മത്തുള്ള സഖാഫി എളമരം, എൻഎം സ്വാദിഖ് സഖാഫി പെരിന്താറ്റിരി, കെപി ജമാൽ കരുളായി, ഹസൈനാർ സഖാഫി കുട്ടശ്ശേരി, വിപിഎം ഇസ്ഹാഖ്, എപി.ബഷീർ ചെല്ലക്കൊടി, കെടി അബ്‌ദുറഹ്‌മാൻ, കരുവള്ളി അബ്‌ദുറഹീം എന്നിവർ സംബന്ധിച്ചു.
Most Read: ഇന്ധന വിലവർധന: കോൺഗ്രസിനും തുല്യ ഉത്തരവാദിത്വം; പി ജയരാജൻ
