മലപ്പുറം: ജില്ലയിലെ എസ്വൈഎസ് എടക്കര സോൺ ‘യൂത്ത് കൗൺസിൽ‘ ഞായറാഴ്ച വൈകിട്ട് നാലിന് നടക്കും. സംഘടനയുടെ എടക്കര സോൺ പ്രസിഡണ്ട് ടിഎസ് മുഹമ്മദ് ശരീഫ് സഅദി അധ്യക്ഷത വഹിക്കും.
ജില്ലാ ഉപാധ്യക്ഷൻ മുഈനുദ്ധീൻ സഖാഫി വെട്ടത്തൂർ ഉൽഘാടനം നിർവഹിക്കുന്ന യൂത്ത് കൗൺസിലിൽ ഇടി ഇബ്രാഹിം സഖാഫി പ്രാർഥന നിർവഹിക്കും. ജില്ലാ സെക്രട്ടറി സിദ്ദീഖ് സഖാഫി വഴിക്കടവ്, എസ്വൈഎസ് കോഴിക്കോട് ജില്ലാ സെക്രട്ടറി അബ്ദുൽ കലാം ക്ളാസിന് നേതൃത്വം നൽകും. എടക്കര സോൺ കൺട്രോളർ സൈത് മുഹമ്മദ് അസ്ഹരി പദ്ധതി അവതരണം നടത്തും.
എം അബ്ദുറഹ്മാൻ, കെകെ ശിഹാബുദ്ധീൻ സൈനി, വിപി ജസീറലി സഖാഫി, കെ അലി സഖാഫി, ടി എച്ച് ശബീറലി, പി മുസ്തഫ സഖാഫി, കെ സലാഹുദ്ധീൻ, എം അബ്ദുൽ കരീം, പി എ മിൻശാദ് അഹമദ്, സിഎം ശുഹൈബ് എന്നിവർ വിവിധ വകുപ്പുകളുടെ റിപ്പോർട്ട് അവതരിപ്പിക്കും. ഉബൈദുല്ലാഹി സഖാഫി ചുങ്കത്തറ ‘വിദാഇന്‘ നേതൃത്വം നൽകും.
Most Read: കോതമംഗലത്ത് വിദ്യാർഥിനിയെ വെടിവച്ചു കൊലപ്പെടുത്തിയ ശേഷം യുവാവ് ജീവനൊടുക്കി