മലപ്പുറം: എസ്വൈഎസ് സംസ്ഥാന കമ്മിറ്റിയുടെ ആഭിമുഖ്യത്തിൽ സംഘടിപ്പിക്കുന്ന റംസാൻ പ്രഭാഷണത്തിന് മലപ്പുറം ഈസ്ററ് ജില്ലയിൽ തുടക്കമായി.
‘വിശുദ്ധ റമളാൻ; ആത്മ വിചാരത്തിന്റെ മാസം‘ എന്ന പ്രമേയത്തിൽ ഒരു മാസം നീണ്ടു നിൽക്കുന്ന വിവിധ പരിപാടികളുടെ ഭാഗമായിട്ടാണ് പ്രഭാഷണം നടക്കുന്നത്. ജില്ലാ തല ഉൽഘാടനം വണ്ടൂർ സോണിലെ ചെറുകോട് അൽ അൻവാറിൽ കേരള മുസ്ലിം ജമാഅത്ത് സംസ്ഥാന സെക്രട്ടറി വണ്ടൂർ അബ്ദുറഹ്മാൻ ഫൈസി നിർവഹിച്ചു.
സൽവിചാരങ്ങളിലും സുകൃതങ്ങളിലും വ്യാപൃതരാവലാണ് വ്രതാനുഷ്ഠാനത്തിന്റെ ലക്ഷ്യമെന്ന് പ്രഭാഷണത്തിൽ ഇദ്ദേഹം പറഞ്ഞു. പാവപ്പെട്ടവന്റെ പ്രയാസം തിരിച്ചറിയാനും അത് പരിഹരിക്കാനും ഉതകുന്ന രീതിയിൽ ഈ വിശുദ്ധ മാസം ഉപയോഗപ്പെടുത്താൻ വിശ്വാസികൾ തയ്യാറാകണമെന്നും അബ്ദുറഹ്മാൻ ഫൈസി ആവശ്യപ്പെട്ടു.
അബ്ദുലത്വീഫ് സഖാഫി അധ്യക്ഷത വഹിച്ച ചടങ്ങിൽ അബ്ദുൽ ബാരി സിദ്ധീഖി മുഖ്യ പ്രഭാഷണം നടത്തി. ഇന്നും നാളെയും യഥാക്രമം മുഹമ്മദ് ശരീഫ് നിസാമി, മുഈനുദ്ദീൻ സഖാഫി എന്നിവർ പ്രസംഗിക്കും.
ജില്ലയിലെ മറ്റു സോണുകളിൽ ഇന്ന് പ്രഭാഷണത്തിന് തുടക്കമായി. അരീക്കോട് എസ്വൈഎസ് സംസ്ഥാന സെക്രട്ടറി റഹ്മതുല്ല സഖാഫി എളമരം, പെരിന്തൽമണ്ണയിൽ മുഈനുദ്ദീൻ സഖാഫി വെട്ടത്തൂർ, നിലമ്പൂരിൽ നൗഫൽ സഖാഫി കളസ, കൊണ്ടോട്ടിയിൽ ഡോക്ടർ ഫൈസൽ അഹ്സനി രണ്ടത്താണി തുടങ്ങിയവർ പ്രഭാഷണം നിർവഹിച്ചു.
Most Read: കമലാ ഹാരിസിന് വധഭീഷണി; നഴ്സ് അറസ്റ്റിൽ
ഇവർക്കൊന്നും കോവിഡ് പ്രോട്ടോകോൾ ബാധകമല്ലേ… ഹോ… പിണറായിയുടെ സ്വന്തം ആൾക്കാരായത് കൊണ്ട് അടുപ്പിലും സാധിക്കാമല്ലോ…പത്രക്കാരായ നിങ്ങളൊക്കെ തന്നെ ഇതുപോലുള്ള തോന്ന്യവാസങ്ങളെ പ്രോത്സാഹിപ്പിക്കണം. ഇതുപോലുള്ള കുറേയെണ്ണത്തിന് എതിരെ കേസെടുക്കുമ്പോഴേ മറ്റുള്ളവർക്ക് മാതൃകയാകു. വൈറസിന് ജാതിയും മതവും നോക്കാനറിയില്ലാന്ന് ഈ പൊട്ടന്മാർക്ക് ആരെങ്കിലുമൊന്ന് [പറഞ്ഞു കൊടുക്ക്.
അല്ല മൊല്ലാക്കമാരെ.. അറിയാൻ മേലാഞ്ഞിട്ടു ചോദ്യക്ക്യാണ് …ങ്ങളുടെയൊക്കെ തലക്കകത്തു എന്താണ്… ങ്ങളെ പോലുള്ള ആളുകളല്ലേ ആദ്യം മാതൃക കാണിക്കേണ്ടത്… ശാസ്ത്ര ബോധമില്ലാത്ത ഇവരെപോലുള്ളവന്മാരും പിന്നെ രാഷ്ടീയക്കാരും ചേർന്നാണ് കേരളമിപ്പോ കോവിഡ് ദുരന്തഭൂമിയാക്കിയത്. തലക്കകത്ത് പേരിനു പോലും ശാസ്ത്രീയ അറിവില്ലാത്ത ഇവർക്കൊക്കെ ഇനി എന്ത് പറഞ്ഞാണ് മനസിലാക്കി കൊടുക്കുക.
ഇവിടെ കമന്റുന്നവർക്ക് നട്ടഭ്രാന്താണ്.. SYSന്റെ ആൾക്കാരുടെ വാർത്താ പോർട്ടലാണ് മലബാർ ന്യൂസ് .. അതിൽ അവര് കൊടുക്കുന്ന വാർത്തയിൽ കമന്റിയിട്ടു ആരുകാണാൻ…. ആ സമയംകൊണ്ട് ആരോഗ്യവകുപ്പിന് പരാതി കൊടുക്കാൻ നോക്ക്…
പ്രിയപ്പെട്ട സവാദ്, എസ്വൈഎസ് എന്ന സംഘടനയും മലബാർ ന്യൂസും തമ്മിൽ യാതൊരു ബന്ധവുമില്ല. Consultfull eMedia & Business Pvt Ltd എന്ന കമ്പനിയുടെ കീഴിലെ ഒരു സംരംഭം മാത്രമാണിത്. ഈ സംരംഭത്തിൽ ഏതെങ്കിലും മത-ജാതി സംഘടനകൾക്കോ, രാഷ്ട്രീയ സംഘടനകൾക്കോ പ്രത്യക്ഷമായോ പരോക്ഷമായോ പങ്കാളിത്തമില്ല. എന്നാൽ, മലബാർ ന്യൂസ് എന്ന വാർത്താ പോർട്ടൽ മലബാറിനെ പ്രതിനിധീകരിക്കുന്നത് കൊണ്ട് പ്രസ്തുത പ്രദേശത്തെ മതവും, രാഷ്ട്രീയവും, സാമൂഹികവും, സാംസ്കാരികവുമായ വിഷയങ്ങളുടെ പ്രതിഫലനം മലബാർ ന്യൂസിൽ പ്രകടമാകും എന്നതാണ് യാഥാർഥ്യം.
സസ്നേഹം
മലബാർ ന്യൂസ്
പൊട്ടൻ ആനയെ കണ്ടത് പോലെയാണ് സവാദിൻറെ കമന്റ്.
മലബാർ ന്യൂസിന് ഒരു സംഘടനയുടെയും ലേബൽ അണിയേണ്ടി വന്നിട്ടില്ല എന്നതാണ് എൻറെ അറിവ്.. തികച്ചും സ്വതന്ത്രമായി പ്രവര്ത്തിക്കുന്ന നേതൃത്വമാണ് ഈ ഓണ്ലൈന് മാധ്യമത്തെ വ്യത്യസ്തമാക്കുന്നത്..
അങ്ങനെ തന്നെ തുടരും എന്ന് ആഗ്രഹിക്കുവാനേ എനിക്കും കഴിയുകയുള്ളു..
വാർത്തയിൽ ആത്മ വിചാരം എന്നൊരു വാക്കുകണ്ട് ഞാൻ വാ പൊളിച്ചുപോയി… അല്ല ഹേ ഈ ആത്മവിചാരം ആദ്യം വേണ്ടത് സ്റ്റേജിലിരിക്കുന്ന ഇങ്ങക്കൊക്കെ അല്ലെ… വൈറസിന് മനുഷ്യരുണ്ടാക്കിയ ജാതിയും മതവുമൊന്നുമില്ല എന്ന് മനസിലാക്കിയാൽ കൊള്ളാം.