ന്യൂഡെൽഹി: ഇന്ത്യയിലെ ഏറ്റവും വലിയ വാണിജ്യ വാഹന നിർമാതാക്കളായ ടാറ്റ മോട്ടോഴ്സ് തങ്ങളുടെ വാണിജ്യ വാഹന ശ്രേണിയിൽ ഉണ്ടായിരിക്കുന്ന വില വർധന പ്രഖ്യാപിച്ചു. വ്യക്തിഗത മോഡലിനെയും വേരിയന്റിനെയും ആശ്രയിച്ച് ശ്രേണിയില് ഉടനീളം വിലയിലെ വർധന രണ്ട് മുതല് 2.5 ശതമാനം വരെയാണ് എന്നും 2022 ഏപ്രിൽ 1 മുതൽ ഇത് പ്രാബല്യത്തിൽ വരുമെന്നും കമ്പനി വാര്ത്താക്കുറിപ്പില് അറിയിച്ചു.
സ്റ്റീൽ, അലൂമിനിയം, മറ്റ് വിലപിടിപ്പുള്ള ലോഹങ്ങൾ തുടങ്ങിയ ഉൽപന്നങ്ങളുടെ വിലയിലുണ്ടായ വർധനവ്, മറ്റ് അസംസ്കൃത വസ്തുക്കളുടെ ഉയർന്ന വിലയ്ക്ക് പുറമേ, വാണിജ്യ വാഹനങ്ങളുടെ ഈ വിലവർധനവിന് പ്രേരകമായി.
ഉൽപാദനത്തിന്റെ വിവിധ തലങ്ങളിൽ, വർധിച്ച ചിലവിന്റെ ഗണ്യമായ ഒരു ഭാഗം ഉൾക്കൊള്ളാൻ കമ്പനി നടപടികൾ ആരംഭിച്ചിട്ടുണ്ടെങ്കിലും, മൊത്തത്തിലുള്ള ഇൻപുട്ട് ചിലവുകളിലെ കുത്തനെയുള്ള വർധന, കുറഞ്ഞ വില വർധനയിലൂടെ ചില അനുപാതങ്ങൾ കൈമാറുന്നത് അനിവാര്യമാണ് എന്നും കമ്പനി പറയുന്നു.
Read Also: കെ-റെയിൽ; ബഫർ സോൺ വിഷയത്തിൽ സജി ചെറിയാനെ തിരുത്തി കോടിയേരി