അനി ഐവി ശശി സംവിധാനം ചെയ്‌ത ഹ്രസ്വചിത്രം ‘മായ‘യുടെ ടീസര്‍ പുറത്തുവിട്ടു. അശോക് സെല്‍വനും പ്രിയ ആനന്ദുമാണ് മായയിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. തമിഴില്‍ ആണ് ഹ്രസ്വ ചിത്രം ഒരുക്കിയിരിക്കുന്നത്. ‘മായ‘ യൂട്യൂബിലൂടെയാണ് റിലീസ് ചെയ്യുന്നത്. ചിത്രത്തില്‍ നിന്ന് ലഭിക്കുന്ന മുഴുവന്‍ വരുമാനവും കോവിഡ് ദുരിതാശ്വാസത്തിനാണ് ഉപയോഗിക്കുക.
2017ലെ ഷിക്കാഗോ സൗത്ത് ഏഷ്യന്‍ ഫിലിം ഫെസ്‌റ്റിവലില്‍ മികച്ച ഹ്രസ്വ ചിത്ര(ഫിക്ഷന്‍)ത്തിനുള്ള പുരസ്‌കാരം ‘മായ‘യ്‌ക്ക്‌ ലഭിച്ചിരുന്നു. എന്നാൽ അന്ന് ചില സാങ്കേതിക കാരണങ്ങളാൽ ചിത്രം റിലീസ് ചെയ്‌തിരുന്നില്ല. സംവിധായകൻ ഐവി ശശിയുടെയും നടി സീമയുടെയും മകനായ അനി ഐവി ശശി ‘തീനി‘ എന്ന തമിഴ് ചിത്രത്തിലൂടെയാണ് സ്വതന്ത്ര സംവിധായകനായത്.
Read Also: ടി-20 ലോകകപ്പിന് യുഎഇ വേദിയായേക്കും
