ഹൈദരാബാദ്: സംസ്‌ഥാനത്തെ മുഴുവൻ ജനങ്ങൾക്കും കോവിഡ് വാക്‌സിൻ സൗജന്യമായി നല്‍കുമെന്ന് തെലങ്കാന മുഖ്യമന്ത്രി കെ ചന്ദ്രശേഖര്‍ റാവു. തെലങ്കാനയിൽ കോവിഡ് കേസുകള്‍ കുത്തനെ ഉയരുന്നതിനിടെയാണ് മുഖ്യമന്ത്രിയുടെ പ്രഖ്യാപനം. ഇതിനായി 2500 കോടി രൂപ ചെലവഴിക്കുമെന്നും അദ്ദേഹം വ്യക്‌തമാക്കി.
വാക്‌സിൻ വിതരണം, ഓക്‌സിജന്‍, മറ്റ് ചികിൽസാ സൗകര്യങ്ങള്‍ എന്നിവ സജ്‌ജമാക്കുന്നതിന് അടിയന്തര നടപടി സ്വീകരിക്കാന്‍ ഉദ്യോഗസ്‌ഥര്‍ക്ക് അദ്ദേഹം നിര്‍ദ്ദേശം നല്‍കി. 18 വയസും അതില്‍ കൂടുതലുമുള്ളവര്‍ക്ക് മാനദണ്ഡമനുസരിച്ച്‌ വാക്‌സിനേഷന്‍ നടത്തുമെന്നും മുഖ്യമന്ത്രി പറഞ്ഞു.
കൂടാതെ ഏതാനും ദിവസങ്ങള്‍ക്കുള്ളില്‍ വാക്‌സിനേഷന്‍ ഡ്രൈവിനെക്കുറിച്ച്‌ ഔദ്യോഗിക അവലോകനം നടത്തുമെന്നും അദ്ദേഹം വ്യക്‌തമാക്കി. അവലോകന യോഗത്തില്‍ നേരിട്ട് പങ്കെടുക്കുമെന്നും മുഖ്യമന്ത്രി പറഞ്ഞു.
ജനങ്ങള്‍ക്ക് പ്രതിരോധ കുത്തിവെപ്പ് നടത്തുന്നതിന് സര്‍ക്കാര്‍ പ്രത്യേക പരിപാടി നടപ്പാക്കുന്നുണ്ടെന്ന് വ്യക്‌തമാക്കിയ അദ്ദേഹം കേസുകള്‍ ഉയരുന്നതില്‍ പരിഭ്രാന്തരാകേണ്ട ആവശ്യമില്ലെന്നും അറിയിച്ചു. പൊതുജനാരോഗ്യമാണ് സർക്കാരിന്റെ മുന്‍ഗണനയെന്നും വാക്‌സിനേഷനായി 2500 കോടി രൂപ ചെലവഴിക്കുമെന്നും അദ്ദേഹം പറഞ്ഞു.
അതേസമയം കോവിഡ് സ്‌ഥിരീകരിച്ച മുഖ്യമന്ത്രി എറവള്ളിയിലെ വസതിയില്‍ നിരീക്ഷണത്തിൽ കഴിയുകയാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
