ന്യൂഡെൽഹി: ജമ്മു കശ്‌മീരിൽ സൈന്യവും ഭീകരരും തമ്മിലുണ്ടായ ഏറ്റുമുട്ടലിൽ ഒരു ഭീകരനെ വധിച്ചു. സൗത്ത് കശ്‌മീരിലെ ഷോപ്പിയാനിലാണ് ആക്രമണം ഉണ്ടായത്. ഇന്നലെ രാത്രിയോടെ പ്രദേശവാസിക്കെതിരെ ഭീകരർ വെടിയുതിർത്തതിന് പിന്നാലെ സൈന്യം തിരച്ചിൽ നടത്തുകയായിരുന്നു. തുടർന്നുണ്ടായ ഏറ്റുമുട്ടലിലാണ് സൈന്യം ഭീകരനെ വധിച്ചത്.
ഷോപ്പിയാനിലെ കഷ്വയിലുണ്ടായ ഏറ്റുമുട്ടലിൽ അനയത് അഷ്‌റഫ് ധാർ എന്ന ഭീകരനെയാണ് സൈന്യം വധിച്ചത്. പ്രദേശവാസിയായ ഒരാളെ കഴിഞ്ഞ ദിവസം ഇയാൾ ആക്രമിച്ചിരുന്നു. തുടർന്നാണ് സൈന്യം തിരച്ചിൽ നടത്തി ഭീകരനെ വധിച്ചത്. നിലവിൽ പ്രദേശത്ത് ഏറ്റുമുട്ടൽ തുടരുകയാണെന്നും സൈനിക വൃത്തങ്ങൾ വ്യക്‌തമാക്കി.
ജമ്മു കശ്‌മീരിൽ ഭീകരവാദികളുടെ സാനിധ്യം വർധിക്കുന്നതായി നേരത്തെ തന്നെ ഇന്റലിജൻസ് റിപ്പോർട് പുറത്തു വന്നിരുന്നു. മഞ്ഞുകാലം അടുത്തതോടെയാണ് അതിർത്തി കടന്നെത്തുന്ന ഭീകരരുടെ എണ്ണം വർധിച്ചതെന്നും റിപ്പോർട് വ്യക്‌തമാക്കുന്നുണ്ട്.
Read also: കാലടി സംസ്‌കൃത സർവകലാശാല; വീണ്ടും അനധികൃത നിയമനമെന്ന് പരാതി
