ചന്ദേൽ: മണിപ്പൂരില്‍ അസം റൈഫിള്‍സ്‌ വാഹന വ്യൂഹത്തിന്‌ നേരെയുണ്ടായ തീവ്രവാദി ആക്രമണത്തെ അപലപിച്ച് മുഖ്യമന്ത്രി എന്‍ ബീരേൺ സിംഗ്. ഭീകരാക്രമണത്തിൽ കമാന്‍ഡിങ് ഓഫിസർ വിപ്ളവ് ത്രിപാഠിയും കുടുംബവും മൂന്ന് സൈനികരുമാണ് കൊല്ലപ്പെട്ടത്.
‘കമാന്‍ഡിംഗ് ഓഫിസറുടെ വാഹന വ്യൂഹത്തിനു നേരെയുണ്ടായ ഭീരുത്വം നിറഞ്ഞ ആക്രമണത്തെ ശക്‌തമായി അപലപിക്കുന്നു’, മുഖ്യമന്ത്രി ട്വീറ്റ് ചെയ്‌തു. അക്രമകാരികള്‍ക്കായി തിരച്ചില്‍ ഊര്‍ജിതമാക്കിയിട്ടുണ്ടെന്നും മിഖ്യമന്ത്രി അറിയിച്ചു.
Strongly condemn the cowardly attack on a convoy of 46 AR which has reportedly killed few personnel including the CO & his family at CCpur today. The State forces & Para military are already on their job to track down the militants. The perpetrators will be brought to justice.
— N.Biren Singh (@NBirenSingh) November 13, 2021
മണിപ്പൂരിലെ ചര്‍ചന്ദ് ജില്ലയിലാണ് ഭീകരാക്രമണം ഉണ്ടായത്. രാവിലെ പത്തുമണിയോടെ ത്രിപാഠിയും കുടുംബവും സഞ്ചരിച്ച വാഹനത്തിന് കുഴിബോംബ്‌ ആക്രമണം ഉണ്ടാവുകയായിരുന്നു. ഓഫിസറും ഭാര്യയും മകനും സംഭവ സ്‌ഥലത്തുതന്നെ മരിച്ചു. നിരവധി നാട്ടുകാര്‍ക്കും പരുക്കേറ്റതായാണ് റിപ്പോര്‍ട്.
അതേസമയം മണിപ്പൂര്‍ കേന്ദ്രീകരിച്ച് പ്രവര്‍ത്തിക്കുന്ന പീപ്പിള്‍സ് ലിബറേഷന്‍ ആര്‍മിയാണ് ആക്രമണത്തിന് പിന്നിലെന്നാണ് പ്രാഥമിക വിവരം.
Related News: മണിപ്പൂരിൽ തീവ്രവാദി ആക്രമണം; 6 പേർ കൊല്ലപ്പെട്ടു
