മുംബൈ: കേന്ദ്ര സര്ക്കാരിന്റെ കാര്ഷക വിരുദ്ധ നയങ്ങളില് പ്രതിഷേധിച്ച് മുന്നണി ബന്ധം ഉപേക്ഷിച്ച അകാലിദളിനെ പ്രശംസിച്ച് നാഷണലിസ്റ്റ് കോണ്ഗ്രസ് പാര്ട്ടിയുടെ ദേശീയാദ്ധ്യക്ഷന് ശരദ് പവാർ. തൃണമൂല് കോണ്ഗ്രസ് എംപി ഡെറക് ഒബ്രയന് അകാലിദളിനെ പ്രശംസിച്ച് രംഗത്തെത്തിയത്തിന് മണിക്കൂറുകള്ക്ക് ശേഷമാണ് ശരദ് പവാറിന്റെ ട്വീറ്റ്.
കാര്ഷിക ബില്ലുകളില് പ്രതിഷേധിച്ച് കഴിഞ്ഞയാഴ്ച കേന്ദ്രമന്ത്രി സ്ഥാനം രാജിവച്ച അകാലിദള് നേതാക്കളായ സുഖ്ബീര് സിംഗ് ബാദലിനും ഹര്സിമ്രത് ബാദലിനും ശരദ് പവാർ നന്ദി അറിയിച്ചു. ഉറച്ച നിലപാടോടെ കര്ഷകര്ക്കൊപ്പം നിന്നതിന് നന്ദി അറിയിക്കുന്നതായി അദ്ദേഹം ട്വീറ്റ് ചെയ്തു.
Congratulations to Shri Sukhbir Singh Badal President of @Akali_Dal_ and MP @HarsimratBadal_ who under the leadership of Hon. Shri Prakash Singh Badal pulled out of NDA in a protest to Farmers’ Bills. Thanks for firmly standing with the Farmers! @officeofssbadal
— Sharad Pawar (@PawarSpeaks) September 27, 2020
അതേസമയം കര്ഷകരുടെ താല്പ്പര്യാര്ത്ഥം എന്ഡിഎയുമായുള്ള ബന്ധം വിച്ഛേദിക്കാനുള്ള അകാലിദളിന്റെ തീരുമാനത്തെ ശിവസേന അഭിനന്ദിക്കുന്നതായി സഞ്ജയ് റാവത്ത് പോസ്റ്റ് ചെയ്തു.
Shivsena appreciates Akali Dal’s decision to break it’s ties with NDA in the interest of farmers.
@ office of badal@sukhbirsing Badal
@nareshgujaral— Sanjay Raut (@rautsanjay61) September 27, 2020
ബില്ലുകളെ ആദ്യം പിന്തുണച്ചിരുന്ന അകാലിദള് കര്ഷക സമരങ്ങള് ശക്തി പ്രാപിച്ചതോടെയാണ് മുന്നണി വിടാന് തീരുമാനിച്ചത്. ശിവസേനക്കും ടിഡിപിക്കും ശേഷം എന്ഡിഎ വിടുന്ന മൂന്നാമത്തെ പ്രധാന പാര്ട്ടിയാണ് അകാലിദള്.