തൃശൂർ: പാപ്പാളി ബീച്ചിൽ സാമൂഹിക വിരുദ്ധരുടെ അക്രമം പതിവാകുന്നു. ഇന്നലെ പാപ്പാളി ബീച്ച് പൊയപ്പൻ വീട്ടിൽ ഹുസൈന്റെ പെട്ടിക്കട തീവച്ചു നശിപ്പിച്ചു. ചുറ്റും ഓല ഷെഡ് കെട്ടി അതിനുള്ളിലാണ് പെട്ടിക്കട ഉണ്ടായിരുന്നത്. കടയിൽ സൂക്ഷിച്ച പണം ഉൾപ്പടെയുള്ളവ കത്തി നശിച്ചു.
പുലർച്ചെ മൽസ്യബന്ധനത്തിന് പോകുന്ന തൊഴിലാളികളാണ് കട കത്തുന്നത് കണ്ടത്. കടയുടെ സമീപത്ത് തന്നെയാണ് ഹുസൈന്റെ വീടും. ഭാര്യയും അഞ്ച് പെൺമക്കളും അടങ്ങുന്ന കുടുംബത്തിന്റെ ഏക വരുമാന മാർഗമായിരുന്നു ഈ പെട്ടിക്കട.
ബീച്ചിൽ സാമൂഹിക വിരുദ്ധരുടെ അക്രമം പതിവാണെന്ന് നാട്ടുകാർ പറയുന്നു. കഴിഞ്ഞ ദിവസം ബീച്ചിലെത്തിയ ആറ്റുപുറം സ്വദേശികളായ യുവാക്കൾക്ക് മർദ്ദനമേറ്റിരുന്നു. കഞ്ചാവ് സംഘങ്ങളുടെ ശല്യവും പ്രദേശത്ത് ഉണ്ട്. ഇക്കാര്യം നിരവധി തവണ പോലീസിനെ അറിയിച്ചെങ്കിലും നടപടി ഉണ്ടായില്ലെന്ന് നാട്ടുകാർ ആരോപിച്ചു.
Malabar News: വിമാനത്താവള വികസനം; നഷ്ടപരിഹാരം ആവശ്യപ്പെട്ട് ബിജെപി