കൊച്ചി: മെട്രോ പാലത്തിന് ചെരിവുണ്ടെന്ന് സ്ഥിരീകരിച്ച് ഡിഎംആര്സിയുടെ മുഖ്യ ഉപദേശകനായിരുന്ന ഇ ശ്രീധരന്. പത്തടിപ്പാലത്ത് മെട്രോ പാലത്തില് നേരിയ ചെരിവുണ്ടെന്നും അതിന്റെ കാരണം കണ്ടെത്താനായിട്ടില്ലെന്നും ഇ ശ്രീധരന് പറഞ്ഞു. കൊച്ചി മെട്രോയുടെ ഡിസൈന് കണ്സള്ട്ടന്റായ ഈജിസ് പ്രസിനിധികള്ക്ക് ഒപ്പമെത്തിയാണ് അദ്ദേഹം പാലം സന്ദര്ശിച്ചത്.
സ്ഥലം സന്ദര്ശിച്ച ശേഷമായിരുന്നു ശ്രീധരന്റെ പ്രസ്താവന. ചെരിവിനുള്ള കാരണം കണ്ടെത്താനായി അള്ട്രാ സോണിക് ടെസ്റ്റും സോയില് ബോര് ടെസ്റ്റും നടത്താന് ബന്ധപ്പെട്ടവര്ക്ക് നിര്ദ്ദേശം നല്കിയിട്ടുണ്ട്. പരിശോധന ഫലം കാത്തുനില്ക്കാതെ അടിയന്തരമായ മറ്റൊരു പൈലിങ് നടത്തി പാലത്തെ ബലപ്പെടുത്തണമെന്നും അദ്ദേഹം നിര്ദ്ദേശിച്ചു.
നിലവിലെ പൈലിങ്ങിന് എന്തെങ്കിലും തരത്തിലുള്ള പ്രശ്നം സംഭവിച്ചോ എന്നും പൈലിങ് ഉറച്ച് നില്ക്കുന്നുണ്ടോ എന്നുമറിയാനാണ് അള്ട്രോ സോണിക് പരിശോധന നടത്തുന്നത്. നിലവില് പൈലിനും പൈല് ക്യാപ്പിനും കേടില്ല. എന്നാല് നേരിയ ചെരിവ് കാരണം പാളത്തിന്റെ അലൈന്മെന്റിലും വ്യതിയാനമുണ്ട്. നിലവിലെ സാഹചര്യം അപകടകരമല്ലെന്നും സര്വീസ് നിര്ത്തിവെക്കേണ്ട ആവശ്യമില്ലെന്നും ഇ ശ്രീധരൻ വ്യക്തമാക്കി.
സംസ്ഥാനത്ത് തുടര്ച്ചയായുണ്ടായ കനത്ത മഴകാരണം മണ്ണിന്റെ ഘടനയില് മാറ്റമോ അല്ലെങ്കില് സോയില് പൈപ്പിങ് പ്രതിഭാസമോ ചെരിവിന് കാരണമായോയെന്ന് പരിശോധിക്കണമെന്നും അദ്ദേഹം പറഞ്ഞു. കൊച്ചി മെട്രോയുടെ നിർമാണത്തിന് നേതൃത്വം നൽകിയ ഡിഎംആര്സിയുടെ മുഖ്യ ഉപദേശകനായിരുന്നു ഇ ശ്രീധരന്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
