വയനാട്: മുത്തങ്ങ-ബന്ദിപ്പൂർ വനപാതയിൽ യുവാക്കൾക്ക് നേരെ കാട്ടാനയുടെ ആക്രമണം. കർണാടക സ്വദേശികളായ രണ്ടു യുവാക്കളാണ് കാട്ടാനയുടെ ആക്രമണത്തിൽ നിന്ന് അത്‌ഭുതകരമായി രക്ഷപ്പെട്ടത്. ഇന്ന് രാവിലെയാണ് സംഭവം. യുവാക്കൾ സഞ്ചരിച്ച ബൈക്കിന് നേരെ കാട്ടാന പാഞ്ഞടുക്കുന്ന ദൃശ്യങ്ങൾ പുറത്തുവന്നിരുന്നു.
ആനക്കൂട്ടത്തെ കണ്ട യുവാക്കൾ വനപാതയിൽ ബൈക്ക് നിർത്തിയതിന് പിന്നാലെയാണ് ആക്രമണം ഉണ്ടായത്. യുവാക്കൾക്ക് തൊട്ടുപിന്നിൽ വന്ന കാറിൽ ഉണ്ടായിരുന്ന നാസറും കൂട്ടുകാരുമാണ് ആക്രമണത്തിന്റെ ദൃശ്യങ്ങൾ പകർത്തിയത്. ആനക്കൂട്ടം ഭയപ്പെടുത്തിയപ്പോൾ യുവാക്കളുടെ ബൈക്ക് റോഡിൽ മറഞ്ഞു വീണിരുന്നു. ബൈക്ക് ഉയർത്താൻ ശ്രമിക്കുന്നതിനിടെ കൂട്ടത്തിലെ ഒരാന പിന്നിലൂടെ ഇവർക്ക് നേരെ പാഞ്ഞടുക്കുകയായിരുന്നു.
ആന വരുന്നത് ആദ്യം യുവാക്കൾ കണ്ടിരുന്നില്ല. മറ്റു വാഹനത്തിൽ ഉള്ളവർ ഫോൺ അടിച്ചും മറ്റും മുന്നറിയിപ്പ് നൽകാൻ ശ്രമിച്ചെങ്കിലും അപ്പോഴേക്കും ആന തൊട്ടടുത്തെത്തി. ഇതോടെ യുവാക്കളിൽ ഒരാൾ ഓടിമാറി. ബൈക്കിൽ ഉണ്ടായിരുന്ന യുവാവ് വാഹനം വേഗം മുന്നോട്ട് എടുക്കാനും ശ്രമിച്ചു. എന്നാൽ, ആന പിന്നാലെ വന്നതോടെ നിയന്ത്രണം വിട്ട ബൈക്ക് റോഡിന് വശത്തേക്ക് വീണു. തുടർന്ന് ഓടിമാറിയ യുവാവ് റോഡിൽ ഉണ്ടായിരുന്ന കാറിൽ കയറി രക്ഷപ്പെടുകയായിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
