കാസർഗോഡ് : ജില്ലയിൽ വാക്സിൻ ദൗർലഭ്യം തുടരുന്നു. നിലവിൽ ഇന്ന് കുത്തിവെക്കാനുള്ള വാക്സിൻ ഡോസുകൾ മാത്രമാണ് ജില്ലയിൽ അവശേഷിക്കുന്നത്. ഇന്ന് 10,000 പേർക്ക് കൂടി ജില്ലയിൽ വാക്സിൻ നൽകാൻ സാധിക്കും. എന്നാൽ ഇന്ന് കൂടുതൽ വാക്സിൻ ജില്ലയിൽ എത്തിയില്ലെങ്കിൽ നാളെ മുതൽ വാക്സിൻ കുത്തിവെപ്പ് മുടങ്ങും.
ഇന്നലെ മാത്രം ജില്ലയിൽ 13,000 ആളുകൾ കോവിഡ് വാക്സിൻ സ്വീകരിച്ചു. ഇന്ന് വൈകുന്നേരത്തോടെ ജില്ലയിൽ 10,000 പേർക്കുള്ള വാക്സിൻ എത്തുമെന്നാണ് പ്രതീക്ഷിക്കുന്നത്. നിലവിൽ ജില്ലയിലെ 46 സർക്കാർ ആശുപത്രികളിലും 10 സ്വകാര്യ ആശുപത്രികളിലുമാണ് കോവിഡ് വാക്സിനേഷൻ നടക്കുന്നത്.
Read also : താൽക്കാലികമായി നിയമിച്ച 49 ആരോഗ്യ പ്രവർത്തകരെ പിരിച്ചുവിട്ടെന്ന് പരാതി