എറണാകുളം: കൊച്ചി കപ്പല്ശാലയ്ക്ക് വീണ്ടും ഭീഷണി സന്ദേശം. ഇത്തവണ ഭീഷണി സന്ദേശം ലഭിച്ചത് പോലീസിനാണ്. കപ്പല്ശാല തകര്ക്കുമെന്ന് ഭീഷണി സന്ദേശത്തില് പറയുന്നു. ഇ-മെയില് മുഖേനയാണ് ഭീഷണി സന്ദേശം ലഭിച്ചിരിക്കുന്നത്.
പഴയ ഭീഷണി സന്ദേശ കേസുകള് അന്വേഷിക്കുന്ന പോലീസ് സംഘത്തിനാണ് ഭീഷണിയെത്തിയത്. ഇത് നാലാം തവണയാണ് കൊച്ചി കപ്പൽ ശാലയ്ക്ക് ഭീഷണി സന്ദേശമെത്തുന്നത്. സന്ദേശത്തിന്റെ ഉറവിടം കണ്ടെത്താനാകാതെ ഇരുട്ടില് തപ്പുകയാണ് പോലീസ്. സന്ദേശമയക്കാന് ഉപയോഗിക്കുന്നത് പ്രോട്ടോണ് ആപ്പ് ആണെന്ന് അന്വേഷണ സംഘം കണ്ടെത്തിയിട്ടുണ്ട്.
ഐഎന്എസ് വിക്രാന്ത് ബോംബിട്ട് തകര്ക്കുമെന്നായിരുന്നു ആദ്യം ലഭിച്ച ഭീഷണി. കപ്പല് ശാലയിലെ ഇന്ധന ടാങ്കുകള് ഉപയോഗിച്ച് സ്ഫോടനം നടത്തുമെന്ന് ഇന്നലെ ലഭിച്ച ഭീഷണിക്കത്തിൽ പറയുന്നു. ഇത് ഗുരുതര സാഹചര്യമാണെന്ന് കേന്ദ്ര രഹസ്യാന്വേഷണ വിഭാഗം അഭിപ്രായപ്പെട്ടു. രാജ്യസുരക്ഷ കണക്കിലെടുത്ത് അതീവ ജാഗ്രതയോടെയാണ് അന്വേഷണം നടക്കുന്നത്.
National News: കോവിഡ് ഇന്ത്യ; 27,176 രോഗബാധ, കേരളത്തിൽ മാത്രം 15,876 കേസുകൾ