കുവൈറ്റ് : രാജ്യത്ത് വൻതോതിൽ മദ്യനിർമാണം നടത്തി വിതരണം ചെയ്തിരുന്ന 3 പ്രവാസികളെ അധികൃതർ പിടികൂടി. കുവൈറ്റിലെ ഫഹാഹീലിലാണ് വലിയ സജ്ജീകരണങ്ങളോടെ മദ്യ നിർമാണം നടത്തിയിരുന്നത്. അനധികൃതമായി നടത്തിയിരുന്ന മദ്യ നിർമാണ ശാലയെ കുറിച്ച് ലഭിച്ച വിവരത്തിന്റെ അടിസ്ഥാനത്തിൽ നടത്തിയ റെയ്ഡിലാണ് അധികൃതർ ഇവരെ പിടികൂടിയത്.
അഹ്മദിയിലെ ആഭ്യന്തര മന്ത്രാലയം ഉദ്യോഗസ്ഥരും അഹ്മദി മുനിസിപ്പാലിറ്റി ഉദ്യോഗസ്ഥരും ചേര്ന്നാണ് റെയ്ഡ് നടത്തിയത്. മദ്യം നിർമിക്കുന്നതിന് ആവശ്യമായ ഉപകരണങ്ങൾക്കൊപ്പം, വിതരണത്തിനായി തയ്യാറാക്കി വച്ചിരുന്ന വൻ മദ്യശേഖരവും അധികൃതർ കണ്ടെടുത്തു. ഇവയെല്ലാം അധികൃതർ നിലവിൽ കസ്റ്റഡിയിൽ എടുത്തിരിക്കുകയാണ്.
Read also : കരിപ്പൂർ സ്വർണക്കടത്ത് കേസ്; അർജുൻ ആയങ്കിക്ക് ജാമ്യമില്ല