ആലപ്പുഴ: ഹരിപ്പാട് വീയപുരത്ത് പമ്പാ നദിയിൽ കുളിക്കാനിറങ്ങിയ മൂന്ന് യുവാക്കൾ മുങ്ങിമരിച്ചു. കരുനാഗപ്പള്ളി പൻമന സ്വദേശികളായ സജാദ്, അനീഷ്, ശ്രീജിത്ത് എന്നിവരാണ് നദിയിൽ മുങ്ങിമരിച്ചത്. ഇന്ന് ഉച്ചയോടെ വീയപുരം തടി ഡിപ്പോക്ക് സമീപമാണ് ഇവര് കുളിക്കാനിറങ്ങിയത്. ശേഷം മൂന്ന് പേരെയും കാണാതായി. അഞ്ചംഗ സംഘത്തിൽ ഒപ്പമുണ്ടായിരുന്ന മറ്റു രണ്ടുപേർ നദിയിൽ ഇറങ്ങിയിരുന്നില്ല. ഫയര്ഫോഴ്സും പോലീസും നടത്തിയ തിരച്ചിലിൽ സമീപത്തെ കടവില് നിന്നാണ് മൃതദേഹങ്ങൾ കണ്ടെത്തിയത്.
Read also: ഭൂരിപക്ഷ വർഗീയത വളർത്താൻ ബിജെപിക്ക് കോൺഗ്രസ് പിന്തുണ; എസ് രാമചന്ദ്രന് പിള്ള