പാലക്കാട്: ഒറ്റപ്പാലത്ത് ബസ് സ്റ്റാൻഡ് ചുമരിലെ ടൈൽസ് അടർന്നുവീണ് വയോധികയ്ക്ക് പരിക്കേറ്റു. പാലപ്പുറം സ്വദേശിയായ വയോധികക്കാണ് ദേഹത്തേക്ക് ടൈൽസ് വീണ് നിസാര പരിക്കേറ്റത്.
ബസ് സ്റ്റാൻഡിലെ എയ്ഡ്പോസ്റ്റിന് സമീപത്തെ കാത്തിരിപ്പ് കേന്ദ്രത്തിലെ ടൈൽസാണ് അടർന്നുവീണത്. തിങ്കളാഴ്ച രാവിലെയാണ് സംഭവം.
പുതിയ ബസ് സ്റ്റാൻഡ് കെട്ടിടത്തോട് ചേർന്നുള്ള പഴയ കെട്ടിടത്തിന്റെ കാത്തിരിപ്പ് കേന്ദ്രത്തിലെ കോൺക്രീറ്റ് സ്ളാബിൽ കിടക്കുകയായിരുന്നു ഇവർ. ഇതിനിടെ ചുമരിലൊട്ടിച്ച ടൈൽ അടർന്ന് തലയിലേക്ക് വീഴുകയായിരുന്നു.
പുതിയ കെട്ടിട നിർമാണത്തിനൊപ്പം പഴയ കെട്ടിടത്തിന്റെ ഭാഗവും നവീകരിച്ചിരുന്നു. അന്ന് പതിച്ചിരുന്ന ടൈൽസുകളാണ് ഇളകിവീണത്. വയോധികയെ ഒറ്റപ്പാലം താലൂക്ക് ആശുപത്രിയിൽ പ്രവേശിപ്പിച്ചു.
Malabar News: പെർളടുക്കിയിലെ കൊല ഭാര്യയിലുള്ള സംശയം മൂലം; പ്രതിയുടെ മൊഴി