ടോക്യോ: ഒളിമ്പിക്സിൽ നാലാം മെഡലിനായി കാത്ത് ഇന്ത്യ. പുരുഷൻമാരുടെ 57 കിലോഗ്രാം വിഭാഗത്തിൽ ഇന്ത്യയുടെ രവി കുമാർ ദഹിയ ഫൈനലിൽ കടന്നു. കസാഖിസ്ഥാന്റെ നൂറിസ്ലാം സനയയെ മലർത്തിയടിച്ചായിരുന്നു രവിയുടെ മുന്നേറ്റം.
നേരത്തെ കൊളംബിയയുടെ ഓസ്കർ അർബനോയെ 13- 2 എന്ന സ്കോറിന് തകർത്ത് ക്വാർട്ടറിൽ എത്തിയ രവി കുമാർ ബൾഗേറിയയുടെ ജോർജി വാംഗളോവിനെ 14- 4 എന്ന സ്കോറിന് മറികടന്നാണ് സെമി ബർത്ത് ഉറപ്പിച്ചത്.
2019ല് ലോക ചാമ്പ്യന്ഷിപ്പില് വെങ്കലവും ഈ വര്ഷം അല്മാട്ടിയില് നടന്ന ഏഷ്യന് ചാമ്പ്യന്ഷിപ്പില് സ്വര്ണവും നേടിയ താരമാണ് രവി ദഹിയ. കഴിഞ്ഞ വര്ഷം ന്യൂഡെല്ഹിയില് നടന്ന ഏഷ്യന് ചാമ്പ്യന്ഷിപ്പിലും രവി സ്വര്ണം നേടിയിരുന്നു.
Also Read: വിവാഹ വാഗ്ദാനം നൽകിയുള്ള പീഡനം; പ്രത്യേക നിയമം വേണമെന്ന് അലഹബാദ് ഹൈക്കോടതി