പാലക്കാട്: വല്ലപ്പുഴ റെയിൽവേ സ്‌റ്റേഷന് സമീപം ട്രെയിൻ പാളം തെറ്റി. നിലമ്പൂരിൽ നിന്ന് പാലക്കാട്ടേക്ക് പോവുകയായിരുന്ന നിലമ്പൂർ- ഷൊർണൂർ പാസഞ്ചറിന്റെ എഞ്ചിനുകളാണ് പാളം തെറ്റിയത്. ആർക്കും പരിക്കില്ല. ട്രാക്കിലേക്ക് കയറിവന്ന പോത്തിനെ ഇടിച്ചതാണ് അപകടത്തിന് കാരണമെന്ന് റെയിൽവേ അധികൃതർ അറിയിച്ചു. വൈകിട്ട് അഞ്ചരയോടെയാണ് സംഭവം നടന്നത്.
വല്ലപ്പുഴ റെയിൽവേ സ്‌റ്റേഷനിൽ എത്തുന്നതിന് ഒരു കിലോമീറ്റർ അടുത്താണ് സംഭവം. അപകടത്തെ തുടർന്ന് പാതയിൽ ട്രെയിൻ ഗതാഗതം തടസപ്പെട്ടു. വൈകിട്ട് 5.50ന് ഷൊർണൂരിൽ നിന്ന് നിലമ്പൂരിലേക്ക് പുറപ്പെടേണ്ടിയിരുന്ന ഷൊർണൂർ-നിലമ്പൂർ പാസഞ്ചറും നിലമ്പൂർ- ഷൊർണൂർ പാസഞ്ചറും റദ്ദാക്കി. രാജാറാണി എക്‌സ്‌പ്രസ് രണ്ടു മണിക്കൂർ കഴിഞ്ഞേ നിലമ്പൂരിൽ നിന്ന് പുറപ്പെടൂ എന്നാണ് വിവരം. ഉടൻ പ്രശ്‌നം പരിഹരിക്കുമെന്ന് റെയിൽവേ അറിയിച്ചു. ട്രെയിൻ എഞ്ചിൻ മാത്രമാണ് പാളം തെറ്റിയത്. കോച്ചുകൾക്ക് പ്രശ്‌നമില്ല.
Most Read| സ്വകാര്യ ബസുകളിൽ സുരക്ഷാ ക്യാമറ; സർക്കാർ ഉത്തരവിന് സ്‌റ്റേ
