കോഴിക്കോട്: കർണാടക മദ്യവുമായി രണ്ട് പേർ പിടിയിൽ. രാമനാട്ടുകര അക്ഷയ വീട്ടിൽ അനൂപ്, ഫറോക്ക് കുന്നത്ത് വീട്ടിൽ ബിജേഷ് എന്നിവരെയാണ് കാറിൽ കടത്തുകയായിരുന്ന മദ്യകുപ്പികളുമായി എക്‌സൈസ് ഉദ്യോഗസ്‌ഥര്‍ പിടികൂടിയത്. കാറിന്റെ ബോണറ്റിനുള്ളില്‍ ഒളിപ്പിച്ച നിലയിലായിരുന്നു മദ്യകുപ്പികള്‍.
കർണാടകയില്‍ മാത്രം വില്‍പ്പന നടത്താന്‍ അനുമതിയള്ള ഏഴ് ലിറ്റർ മദ്യമാണ് പ്രതികളിൽ നിന്ന് താമരശ്ശേരി എക്‌സൈസ് അധികൃതർ പിടിച്ചെടുത്തത്. മദ്യം കടത്തിയ കെഎൽ 58 ബി 1256 സാന്‍ട്രോ കാറും കസ്‌റ്റഡിയിൽ എടുത്തിട്ടുണ്ട്. അറസ്‌റ്റ് ചെയ്‌ത പ്രതികളെ താമരശ്ശേരി കോടതിയിൽ ഹാജരാക്കി റിമാൻഡ് ചെയ്‌തു.
Read also: ആയോടുമലയിൽ വീണ്ടും കാട്ടാനയിറങ്ങി; വ്യാപക കൃഷിനാശം
