കോഴിക്കോട്: തദ്ദേശ തിരഞ്ഞെടുപ്പിൽ യുഡിഎഫിന്റെ മേല്ക്കെെ പ്രകടമാണെന്ന് മുസ്ലിം ലീഗ് നേതാവും എംപിയുമായ പി കെ കുഞ്ഞാലിക്കുട്ടി. മുഖ്യമന്ത്രി അവകാശവാദം ഉന്നയിച്ച സമയത്തെല്ലാം എല്ഡിഎഫിന് തിരിച്ചടി നേരിട്ടിട്ടുണ്ട്. കേരളത്തിലെ ഒന്നാം മുന്നണി യുഡിഎഫ് തന്നെയെന്ന് തദ്ദേശ തിരഞ്ഞെടുപ്പ് തെളിയിക്കും. എല്ഡിഎഫിന്റെത് അവകാശവാദം മാത്രമായി നിലനില്ക്കുമെന്നും പി കെ കുഞ്ഞാലിക്കുട്ടി പറഞ്ഞു.
നേരത്തെ യുഡിഎഫിന്റെ മുതിർന്ന നേതാക്കളെല്ലാം തിരഞ്ഞെടുപ്പ് വിജയവുമായി ബന്ധപ്പെട്ട അവകാശ വാദങ്ങളുമായി രംഗത്ത് വന്നിരുന്നു. തദ്ദേശ തിരഞ്ഞെടുപ്പിൽ യുഡിഎഫ് വൻ വിജയം നേടുമെന്ന് കെപിസിസി പ്രസിഡണ്ട് മുല്ലപ്പള്ളി രാമചന്ദ്രനും പറഞ്ഞു. വെല്ഫെയര് പാര്ട്ടിയുമായി തദ്ദേശ തിരഞ്ഞെടുപ്പില് നീക്കുപോക്കില്ലെന്ന നിലപാട് മുല്ലപ്പള്ളി രാമചന്ദ്രന് ആവർത്തിച്ചു .പാര്ട്ടിയിലെ അവസാന വാക്ക് സംസ്ഥാന അധ്യക്ഷനാണെന്നും മുല്ലപ്പള്ളി പറഞ്ഞു.
Read Also: നടിയെ ആക്രമിച്ച കേസ്; വിചാരണ കോടതി മാറ്റില്ല, ഹരജി തള്ളി