ലഖ്നൗ: നവരാത്രി, റമദാൻ ആഘോഷങ്ങൾ വരാനിരിക്കെ മത കേന്ദ്രങ്ങളിൽ അഞ്ചിലധികം ആളുകൾ ഒത്തുകൂടുന്നതിന് നിയന്ത്രണം ഏർപ്പെടുത്തി യുപി സർക്കാർ. കോവിഡ് പ്രതിരോധം ശക്‌തമാക്കുന്നതിന്റെ ഭാഗമായാണ് തീരുമാനം.
മുഖ്യമന്ത്രി യോഗി ആദിത്യനാഥിന്റെ അധ്യക്ഷതയിൽ ലഖ്നൗവിലെ ലോക്ഭവനിൽ ശനിയാഴ്‌ച രാത്രി വിളിച്ചു ചേർത്ത അവലോകന യോഗത്തിലാണ് തീരുമാനം കൈക്കൊണ്ടത്.
4000 ഐസിയു കിടക്കകൾ ഒരുക്കാനുള്ള ക്രമീകരണങ്ങൾ നടത്തണമെന്നും മുഖ്യമന്ത്രി നിർദേശം നൽകി. ശനിയാഴ്‌ച സംസ്‌ഥാനത്ത്‌ 12,787 പേർക്കാണ് പുതുതായി രോഗം സ്‌ഥിരീകരിച്ചത്. 48 പേർ മരിക്കുകയും ചെയ്‌തു.
Read also: ജമ്മു കശ്‌മീരില്‍ രണ്ട് ഏറ്റുമുട്ടലുകൾ; അഞ്ച് ഭീകരരെ വധിച്ചു
