ന്യൂഡെൽഹി: യുഎസ് മത സ്വാതന്ത്ര്യ റിപ്പോര്ട് ഏകപക്ഷീയമെന്ന് കേന്ദ്ര വിദേശകാര്യ മന്ത്രാലയം കുറ്റപ്പെടുത്തി. ഇന്ത്യയെ മനസിലാക്കാതെയുള്ളതാണ് റിപ്പോർട്ടെന്നും ഇന്ത്യ വിമർശനം ഉന്നയിച്ചു. പ്രത്യേക ലക്ഷ്യം വെച്ചുള്ള പ്രസ്താവനകള് തെറ്റായ വസ്തുതകളുടെ അടിസ്ഥാനത്തിലാണെന്നും വിദേശകാര്യ മന്ത്രാലയ വക്താവ് അരിന്ദം ബഗചി അഭിപ്രായപ്പെട്ടു.
യുഎസ് കമ്മീഷന് ഓണ് ഇന്റർനാഷണല് റിലീജിയസ് ഫ്രീഡത്തിന്റെ വിശ്വാസ്യതയെ തന്നെ ബാധിക്കുന്നതാണ് അഭിപ്രായങ്ങളെന്നും അരിന്ദം ബഗചി പ്രസ്താവനയില് പറഞ്ഞു. വിമർശിക്കുന്നവരെയും മതന്യൂനപക്ഷങ്ങളെയും ഇന്ത്യയില് അടിച്ചമര്ത്തുവെന്നത് അടക്കമുളള വിമർശനങ്ങള് സംഘടനയുടെ റിപ്പോർട്ടിൽ ഉന്നയിച്ചിരുന്നു. ഇതാണ് ഇന്ത്യയെ പ്രകോപിച്ചത്.
Read Also: കാലവർഷം ഇന്നും കനത്തേക്കും; 11 ജില്ലകളിൽ യെല്ലോ അലർട്- മൽസ്യബന്ധനത്തിന് വിലക്ക്