ന്യൂഡെൽഹി: രാജ്യത്ത് ആവശ്യത്തിന് കോടതികള് ഇല്ലാതെ നീതി നടപ്പാവില്ലെന്ന് സുപ്രീം കോടതി ചീഫ് ജസ്റ്റിസ് എന്വി രമണ. കോടതികള്ക്ക് നിലവില് അമിതഭാരമാണ്. കോടതികളിലെ ഒഴിവുകള് കൃത്യസമയത്ത് നികത്തുന്നില്ല. ഇക്കാര്യം ബ്യൂറോക്രസി ലളിതമായി കാണുകയാണെന്നും അദ്ദേഹം പറഞ്ഞു.
ഹൈദരാബാദിലെ ജുഡീഷ്യല് കോണ്ഫറന്സിലാണ് ചീഫ് ജസ്റ്റിസിന്റെ പ്രതികരണം. സുപ്രീം കോടതി തന്നെ വിവിധയിടങ്ങളില് നടത്തിയ സര്വേകളില് വലിയ ഒഴിവുകള് കണ്ടെത്തിയിട്ടുണ്ട്. ജുഡീഷ്യല് ഓഫിസര്മാരെ ആശങ്കപ്പെടുത്തുന്ന കണക്കുകളായതിനാല് അത് വെളിപ്പെടുത്തുന്നില്ല.
കേസുകള് തീര്പ്പാക്കാനുള്ള നീണ്ട കാലതാമസം മാറ്റേണ്ടതുണ്ട്. കോടതിയിലെ അടിസ്ഥാന സൗകര്യങ്ങളിലും മാറ്റമുണ്ടാകണം. ഒഴിവുകളും അടിസ്ഥാന സൗകര്യങ്ങളിലെ പ്രശ്നങ്ങളും പരിഹരിക്കാന് ഉദ്യോഗസ്ഥ സംവിധാനങ്ങള് ഉണര്ന്ന് പ്രവര്ത്തിക്കണമെന്നും അദ്ദേഹം പറഞ്ഞു.
Read Also: ആർഎസ്എസിന് ശത്രുതയെന്ന് മൊഴി; സുബൈർ വധക്കേസ് അന്വേഷിക്കാൻ സിഐമാരുടെ സംഘം