ചെന്നൈ: വീടില്ലാത്ത സിനിമാ തൊഴിലാളികള്ക്കായി ഒരുകോടി രൂപ സംഭാവന നല്കി തമിഴ് സൂപ്പർതാരം വിജയ് സേതുപതി. സൗത്ത് ഇന്ത്യ ഫിലിം എംപ്ളോയീസ് ഫെഡറേഷന്റെ പദ്ധതിക്കാണ് ഈ തുക വിജയ് സേതുപതി സംഭാവന നല്കിയത്. പരസ്യങ്ങളിൽ അഭിനയിച്ചതിന്റെ ഭാഗമായി ലഭിച്ച തുകയാണ് മക്കൾ സെൽവൻ എന്ന് ആരാധകർ വിളിക്കുന്ന വിജയ് സേതുപതി സംഭാവനായി നൽകാൻ തീരുമാനിച്ചത്.
കുറച്ച് വര്ഷങ്ങള്ക്ക് മുൻപ് ഈ പദ്ധതിയുമായി ബന്ധപ്പെട്ട് ആര്കെ സെല്വമണി ഒരു അഭ്യര്ഥന നടത്തിയിരുന്നു. എന്നാല് ആ സമയത്ത് തനിക്ക് സഹായിക്കാനായില്ല. അത് തന്നെ വല്ലാതെ സങ്കടപ്പെടുത്തിയിരുന്നു. ഇപ്പോഴാണ് കുറച്ച് പരസ്യങ്ങളില് അഭിനയിക്കാൻ തുടങ്ങിയത്. അതില് നിന്ന് കിട്ടുന്ന തുക ഈ പദ്ധതിക്കായി നല്കാമെന്ന് തീരുമാനിക്കുക ആയിരുന്നു; വിജയ് സേതുപതി പറഞ്ഞു.
Read Also: ആഢംബര കപ്പലിലെ ലഹരി വിരുന്ന്; ശ്രേയസ് നായർ എൻസിബി കസ്റ്റഡിയിൽ