തിരുവനന്തപുരം: സംസ്‌ഥാനത്ത് തദ്ദേശ തിരഞ്ഞെടുപ്പിന്റെ ആദ്യഘട്ട വോട്ടിംഗ് ആരംഭിച്ചു. ഇതിനിടെ വോട്ടെടുപ്പ് നടക്കുന്ന ജില്ലകളിലെ ഏതാനും ബൂത്തുകളില്‍ വോട്ടിംഗ് മെഷീന് തകരാര്‍ സംഭവിച്ചതായാണ് വിവരം.
തിരുവനന്തപുരം നഗരസഭയിലെ രണ്ട് ബൂത്തുകളിലും ആലപ്പുഴയിലെ രണ്ട് ബൂത്തിലും കൊല്ലത്തെ ഒരു ബൂത്തിലുമാണ് മെഷീനില്‍ സാങ്കേതിക തകരാര്‍ കണ്ടെത്തിയത്. മോക്ക് പോളിംഗ് സമയത്ത് തന്നെ തിരുവനന്തപുരത്തെ രണ്ട് ബൂത്തുകളില്‍ തകരാര്‍ കണ്ടെത്തിയിരുന്നു. മെഷീന് തകരാര്‍ കണ്ടെത്തിയ ബൂത്തുകളില്‍ വോട്ടെടുപ്പ് വൈകുകയാണ്.
ഉടന്‍ തന്നെ സാങ്കേതിക പ്രശ്‌നം പരിഹരിച്ച് വോട്ടിംഗ് ആരംഭിക്കുമെന്ന് അധികൃതര്‍ അറിയിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ ഇടുക്കി ജില്ലകളിലാണ് ഒന്നാം ഘട്ടത്തില്‍ ഇന്ന് തിരഞ്ഞെടുപ്പ് നടക്കുന്നത്.
Read Also: സ്വര്‍ണക്കടത്ത് കേസ്; സ്വപ്‌നയുടേയും സരിതിന്റെയും കസ്‌റ്റഡി കാലാവധി ഇന്ന് അവസാനിക്കും
