താമരശ്ശേരി: അറ്റകുറ്റപണികൾ കാരണം ഫെബ്രുവരി 15 മുതൽ നിർത്തിയ വയനാട് ചുരം വഴിയുള്ള കെഎസ്ആർടിസിയുടെ മുഴുവൻ സർവീസുകളും ശനിയാഴ്ച പുനരാരംഭിക്കും. കെഎസ്ആർടിസി നോർത്ത് സോൺ എക്സിക്യൂട്ടീവ് ഡയറക്ടർ പിവി രാജേന്ദ്രൻ ഇതുസംബന്ധിച്ച നിർദേശം മുഴുവൻ ഡിപ്പോകളിലേക്കും നൽകി.
ഫെബ്രുവരി 15ന് മുഴുവൻ സർവീസുകളും നിർത്തിയെങ്കിലും കെഎസ്ആർടിസിയുടെ അടിവാരം-ലക്കിടി ചെയിൻ സർവീസ് നടത്തിയിരുന്നു.
നവീകരണപ്രവൃത്തികൾ പൂർത്തിയായതിനാൽ ചുരത്തിലൂടെയുള്ള മറ്റു വാഹനങ്ങളുടെ ഗതാഗതം പുനസ്ഥാപിക്കാൻ സാധിക്കുമെന്ന് ദേശീയപാതാ എക്സിക്യൂട്ടീവ് എൻജിനീയർ കളക്ടർക്ക് റിപ്പോർട് സമർപ്പിച്ചിട്ടുണ്ട്. റിപ്പോർട് പരിഗണിച്ച് കളക്ടർ ഉത്തരവ് ഇറക്കുകയാണെങ്കിൽ ശനിയാഴ്ച മുതൽ ചരക്കുവാഹനങ്ങളും കടത്തിവിട്ടേക്കും.
Read also: കോവിഡ് സുരക്ഷാ മാനദണ്ഡം ലംഘിക്കുന്നവർക്ക് വിമാനയാത്രാവിലക്ക്; കേന്ദ്രം