വയനാട്: വൈദ്യുതി വിതരണ ശൃംഖല ശക്തിപ്പെടുത്തുന്ന ഗ്രീൻ കോറിഡോർ പദ്ധതിക്ക് 850 കോടി രൂപ അനുവദിച്ചു. വയനാട് പാക്കേജിൽ ഉൾപ്പെടുത്തിയാണ് തുക അനുവദിച്ചിരിക്കുന്നത്. മൈസൂരു-അരീക്കോട് 400 കെവി ലൈനിൽ മാനന്തവാടി ഭാഗത്ത് 400 കെവി സബ് സ്റ്റേഷൻ നിർമിക്കാനാണ് പദ്ധതി. ഇത് കണ്ണൂർ ജില്ലയിലേക്കും വ്യാപിപ്പിക്കും.
വൈദ്യുതി പ്രസരണ നഷ്ടം കുറച്ച് വിതരണ ശൃംഖല ശക്തിപ്പെടുത്തുന്ന പദ്ധതിയാണ് ഗ്രീൻ കോറിഡോർ സംവിധാനം. പ്രതിദിനം ഏഴ് കോടി യൂണിറ്റ് വൈദ്യുതിയാണ് കേരളം ഉപയോഗിക്കുന്നത്. അതിൽ അഞ്ചു കോടിയും പുറത്തുനിന്നും ഉള്ളതാണ്. ഈ വൈദ്യുതി പ്രസരണ നഷ്ടം കുറച്ച് സുഗമമായി എത്തിക്കാൻ ഗ്രീൻ കോറിഡോറിലൂടെ കഴിയും.
60 കെവി ലൈനിൽ 110 കെവി ലൈനിലേക്ക് ഉയർത്തുന്നതിന് 100 കോടി രൂപയുടെ പദ്ധതിയും വയനാട് പാക്കേജിൽ ഉണ്ട്. കൂടാതെ, നദീതീരങ്ങളിലൂടെ ലൈൻ വലിച്ച് കാർഷിക മേഖലയിൽ ജലസേചനത്തിന് വൈദ്യുതി എത്തിക്കാനും, പട്ടികവർഗ വകുപ്പ് മുഖേന വൈദ്യുതീകരണം നടപ്പിലാക്കാനും പദ്ധതികൾ ഉണ്ട്.
Read Also: മലപ്പുറത്ത് കഞ്ചാവുമായി മൂന്ന് പേർ പിടിയിൽ