കോഴിക്കോട്: കോൺഗ്രസ് വിട്ട ലതിക സുഭാഷിനെ പാർട്ടിയിലേക്ക് തിരികെ എത്തിക്കാൻ ശ്രമിക്കുമെന്ന് കേരളത്തിന്റെ ചുമതലയുള്ള എഐസിസി ജനറൽ സെക്രട്ടറി താരിഖ് അൻവർ. ലതിക കോൺഗ്രസ് വിട്ടത് നിർഭാഗ്യകരമാണ്. തിരഞ്ഞെടുപ്പിൽ ലതികക്ക് സീറ്റ് നൽകാൻ ശ്രമിച്ചിരുന്നു. എന്നാൽ അവർ മൽസരിക്കാൻ ആഗ്രഹിച്ച സീറ്റ് വിട്ടുനൽകാൻ ജോസഫ് വിഭാഗം തയാറായില്ലെന്നും താരിഖ് അൻവർ പറഞ്ഞു.
കേരളത്തിലെ എല്ലാ കാര്യങ്ങളും രണ്ട് ഗ്രൂപ്പുകൾ തീരുമാനിക്കുന്നുവെന്ന പിസി ചാക്കോയുടെ ആക്ഷേപത്തിനും താരിഖ് അൻവർ മറുപടി നൽകി. എല്ലാ സംസ്ഥാനങ്ങളിലും ഗ്രൂപ്പുകളുണ്ടെന്ന് അദ്ദേഹം പറഞ്ഞു. ഡെൽഹിയിൽ കോൺഗ്രസിന്റെ ചുമതല പിസി ചാക്കോക്കായിരുന്നു. ഡെൽഹിയുടെ ചുമതലയിൽ നിന്നും മാറ്റിയപ്പോൾ ചാക്കോക്ക് കാത്തിരിക്കാമായിരുന്നെന്നും താരിഖ് അൻവർ ചൂണ്ടിക്കാട്ടി. നിയമസഭാ തിരഞ്ഞെടുപ്പ് കഴിയുന്നതോടെ സംഘടനാ തിരഞ്ഞെടുപ്പ് നടപടികളിലേക്ക് കടക്കുമെന്നും താരിഖ് അൻവർ കൂട്ടിച്ചേർത്തു.
Read also: ആർഎസ്എസിനെ ഇനി മുതൽ ‘സംഘപരിവാർ’ എന്ന് വിളിക്കില്ല; രാഹുൽ ഗാന്ധി