മുംബൈ: മഹാരാഷ്ട്രയിൽ യുവതിക്ക് ക്രൂര പീഡനം. മുംബൈയിലെ സാക്കിനാക്കയില് നിര്ത്തിയിട്ട ടെംമ്പോ വാഹനത്തിൽ വച്ചാണ് 34കാരിയെ ക്രൂരമായി പീഡിപ്പിച്ചത്. പീഡനത്തിന് ഇരയാക്കിയ ശേഷം പ്രതി യുവതിയുടെ സ്വകാര്യ ഭാഗത്ത് ഇരുമ്പ് ദണ്ഡ് കയറ്റിയിറക്കിയതായി പോലീസ് പറഞ്ഞു. ആശുപത്രിയില് ചികിൽസയിലുള്ള യുവതിയുടെ ആരോഗ്യനില അതീവ ഗുരുതരമാണ്. സംഭവത്തില് പ്രതിയായ മോഹന് ചൗഹാനെ (45) പോലീസ് അറസ്റ്റ് ചെയ്തു.
വെള്ളിയാഴ്ച രാവിലെയാണ് സാക്കിനാക്ക മേഖലയിലെ ഖൈറാനി റോഡില് ഒരു യുവാവ് യുവതിയെ മര്ദ്ദിക്കുന്നതായുള്ള വിവരം പോലീസ് കണ്ട്രോള് റൂമിൽ ലഭിക്കുന്നത്. തുടർന്ന് സ്ഥലത്തെത്തിയ പോലീസ് സംഘം പക്ഷെ രക്തത്തില് കുളിച്ചുകിടക്കുന്ന യുവതിയെയാണ് കണ്ടത്. റോഡിന് വശത്തായി നിര്ത്തിയിട്ട ടെംമ്പോ വാഹനത്തിനുള്ളിലാണ് യുവതി അതിക്രൂര പീഡനം നേരിട്ടത്. പ്രാഥമിക അന്വേഷണത്തില് വാഹനത്തിനുള്ളില് നിന്ന് രക്തക്കറ കണ്ടെത്തിയിട്ടുണ്ടെന്നും പോലീസ് പറഞ്ഞു.
വധശ്രമം, ബലാൽസംഗം എന്നീ വകുപ്പുകളാണ് പ്രതിക്കെതിരെ പോലീസ് ചുമത്തിയിരിക്കുന്നത്. കൂടുതല് പേര് സംഭവത്തില് ഉള്പ്പെട്ടിട്ടുണ്ട് എന്നാണ് പോലീസിന്റെ നിഗമനം. അന്വേഷണം പുരോഗമിക്കുകയാണ്.
Most Read: പള്ളിയോടം വിവാദം; നിമിഷ ബിജോയും സഹായിയും അറസ്റ്റിൽ