എസ്‌വൈഎസ്‌ 68ആം സ്‌ഥാപക ദിനത്തിൽ ജില്ലാ പ്രസിഡണ്ട് സികെ അസൈനാർ സഖാഫി പതാക ഉയർത്തുന്നു
മലപ്പുറം: യുവാക്കൾ സേവന രംഗത്ത് കർമ നിരതരാകണമെന്നും കോവിഡ് രണ്ടാം തരംഗം നാടിന്റെ ദുരന്തമായി മാറുന്ന പ്രത്യേക സാഹചര്യത്തിൽ അശരണർക്ക് സാന്ത്വനമേകാൻ രംഗത്തുണ്ടാകണമെന്നും എസ്‌വൈഎസ്‌ മലപ്പുറം ഈസ്‌റ്റ് ജില്ലാ പ്രസിഡണ്ട് സികെ അസൈനാർ സഖാഫി ആവശ്യപ്പെട്ടു.
സംഘടനയുടെ സ്‌ഥാപക ദിന പരിപാടിയിൽ സംസാരിക്കുകയായിരുന്നു സികെ സഖാഫി. എസ്‌വൈഎസ്‌ 68ആം സ്‌ഥാപക ദിനം ജില്ലയിൽ വിപുലമായി ആചരിച്ചു. പരിപാടിയുടെ ജില്ലാതല ഉൽഘാടനം കുട്ടശ്ശേരി യൂണിറ്റിൽ സികെ അസൈനാർ സഖാഫി നിർവഹിച്ചു.
സംഘടനയുടെ ഈസ്‌റ്റ് ജില്ലയിലെ 636 യൂണിറ്റുകളിലും പതാക ഉയർത്തൽ, പ്രവർത്തക സമിതി യോഗം, ചരിത്ര വായന, സംസ്‌ഥാന പ്രസിഡണ്ട് സയ്യിദ് ത്വാഹാ തങ്ങൾ സഖാഫിയുടെ ഓൺലൈൻ സന്ദേശപ്രഭാഷണം എന്നിവ കോവിഡ് പ്രോട്ടോകോൾ പാലിച്ചുകൊണ്ട്‌ നടന്നു.
ജില്ലയിലെ വിവിധ കേന്ദ്രങ്ങളിൽ നടന്ന പരിപാടികൾക്ക് ജില്ലാ ജനറൽ സെക്രട്ടറി വിപിഎം ഇസ്ഹാഖ്, ജില്ലാ ഫൈനാൻസ് സെക്രട്ടറി അബ്‌ദുറഹിം കരുവള്ളി, വൈസ് പ്രസിഡണ്ടുമാരായ സയ്യിദ് ശിഹാബുദ്ദീൻ അഹ്സനി, മുഈനുദ്ദീൻ സഖാഫി വെട്ടത്തൂർ, സെക്രട്ടറിമാരായ സയ്യിദ് മുർതളാ ശിഹാബ് സഖാഫി, സികെ ശക്കീർ അരിമ്പ്ര, സിദ്ദീഖ് സഖാഫി വഴിക്കടവ്, യൂസുഫ് സഅദി പൂങ്ങോട്, പിപി മുജീബ് റഹ്‌മാൻ വടക്കേമണ്ണ, പികെ മുഹമ്മദ് ശാഫി തുടങ്ങിയവർ നേതൃത്വം നൽകി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
