കൊച്ചി: ആരോഗ്യ മന്ത്രി കെകെ ശൈലജക്ക് നേരെ യുവമോർച്ചയുടെ കരിങ്കൊടി പ്രതിഷേധം. തൃപ്പൂണിത്തുറയിൽ വെച്ചായിരുന്നു സംഭവം.
പിൻവാതിൽ നിയമങ്ങളുടെയും സർക്കാരിനെതിരായ അഴിമതി ആരോപണങ്ങളുടെയും ഭാഗമായ പ്രതിഷേധമായാണ് യുവമോർച്ച പ്രവർത്തകർ കരിങ്കൊടി കാട്ടിയത്. തൃപ്പൂണിത്തുറയിലെ ആരോഗ്യ ഗവേഷണ കേന്ദ്രത്തിന്റെ ഉൽഘാടനത്തിന് ശേഷം മന്ത്രി കൊച്ചിയിലേക്ക് മടങ്ങുമ്പോഴായിരുന്നു പ്രതിഷേധം.
പത്തോളം വരുന്ന യുവമോർച്ച പ്രവർത്തകർ കരിങ്കൊടിയുമായി മന്ത്രിയുടെ വാഹനത്തിന് മുന്നിലേക്ക് ചാടുകയായിരുന്നു. സംഭവ സ്ഥലത്തുണ്ടായിരുന്ന സിപിഎം പ്രവർത്തകർ യുവമോർച്ച പ്രവർത്തകരുമായി ഏറ്റുമുട്ടുന്ന സംഭവവും അരങ്ങേറി. തുടർന്ന് പോലീസെത്തി ഇരുവിഭാഗത്തെയും മാറ്റിയ ശേഷമാണ് ആരോഗ്യമന്ത്രിക്ക് പോകാനായത്.
Also Read: കോവിഡ് രണ്ടാം തരംഗം; ആലപ്പുഴയിൽ കൂടുതൽ ശ്രദ്ധ, നിർദേശങ്ങൾ നൽകി കേന്ദ്രം