റിയാദ് : ഐക്യരാഷ്ട്ര സഭക്ക് കോവിഡ് വിരുദ്ധ പോരാട്ടത്തിനായി പത്ത് കോടി ഡോളര് സഹായം നല്കി സൗദി അറേബ്യ. ആഗോളതലത്തില് കോവിഡ് പ്രതിസന്ധി പരിഹരിക്കാനും കോവിഡ് പ്രതിരോധ പ്രവര്ത്തനങ്ങള് നടത്താനുമാണ് സഹായം നല്കിയത്. ഐക്യരാഷ്ട്ര സഭയിലെ സൗദി അറേബ്യ പ്രതിനിധി അബ്ദുള്ള അല് മുഅല്ലിമിയാണ് കോവിഡ് പ്രതിരോധ പ്രവര്ത്തനങ്ങള് ആഗോളതലത്തില് സംഘടിപ്പിക്കാനായി ധനസഹായം നല്കിയത്.
ലോകാരോഗ്യ സംഘടനയുടെ പ്രവര്ത്തനങ്ങള്ക്കും യു.എന് ഏജന്സികള് നടത്തുന്ന മറ്റ് പദ്ധതികള്ക്കുമാണ് ഈ തുക വിനിയോഗിക്കുക. കഴിഞ്ഞ ദിവസം നടന്ന വീഡിയോ കോണ്ഫറന്സിലൂടെ യു.എന് ജനറല് സെക്രട്ടറി അന്റോണിയോ ഗുട്ടെറസിന് അബ്ദുള്ള അല് മുഅല്ലിമി സൗദിയുടെ സഹായം ഔപചാരികമായി കൈമാറി.
Read also : ‘രണ്ടാമൂഴം’ വിവാദം ഒത്തുതീര്ന്നു