15കാരിയെ ലഹരിമരുന്ന് നല്‍കി പീഡിപ്പിച്ച കേസ്; രണ്ടുപേര്‍ കൂടി പിടിയില്‍

By Staff Reporter, Malabar News
girl was stopped and attacked during the scooter journey
Ajwa Travels

മലപ്പുറം: പ്രായപൂര്‍ത്തിയാകാത്ത പെണ്‍കുട്ടിയെ ലഹരിമരുന്ന് നല്‍കി പീഡിപ്പിച്ച കേസില്‍ രണ്ടുപേര്‍ കൂടി അറസ്‌റ്റിലായി. മഞ്ചേരി സ്വദേശികളായ കുഴിമണ്ണ കടുങ്ങല്ലൂര്‍ കണ്ണാടിപ്പറമ്പിലെ നവാസ് ഷെരീഫ്, കാവനൂര്‍ താഴത്തുവീടന്‍ മുഹമ്മദ് എന്നിവരെയാണ് എടവണ്ണ പോലീസ് അറസ്‌റ്റ് ചെയ്‌തത്.

15 വയസുകാരിയെ ഇന്‍സ്‌റ്റഗ്രാം വഴി പരിചയപ്പെട്ടതിന് ശേഷം തട്ടിക്കൊണ്ടുപോവുകയും തുടര്‍ന്ന് കഞ്ചാവ് ഉള്‍പ്പടെയുളള ലഹരി മരുന്നു നല്‍കി പീഡനത്തിന് ഇരയാക്കിയെന്നുമാണ് കേസ്.

കഴിഞ്ഞ മാസമായിരുന്നു സംഭവം. ഇന്‍സ്‌റ്റഗ്രാമിലൂടെയാണ് പ്രതികള്‍ പെണ്‍കുട്ടിയുമായി പരിചയത്തിലായത്. ഇതിന് ശേഷം പെണ്‍കുട്ടിക്ക് പ്രതികൾ കഞ്ചാവ് ഉള്‍പ്പടെയുള്ള ലഹരിവസ്‌തുക്കള്‍ രഹസ്യമായി കൈമാറിയിരുന്നു. തുടര്‍ന്ന് ലഹരിക്ക് അടിമയായ പെണ്‍കുട്ടി ഇത് കിട്ടാതെ വന്നതോടെ പ്രതികളെ വിളിക്കാന്‍ ആരംഭിച്ചു. ഇത്തരത്തില്‍ വിളിച്ചപ്പോഴാണ് മയക്കുമരുന്ന് തരാമെന്ന് പ്രലോഭിപ്പിച്ച്‌ ഹോട്ടലിലേക്ക് കൊണ്ടുപോയി പീഡിപ്പിച്ചത്.

കേസിലെ പ്രധാന പ്രതിയായ പുല്‍പ്പറ്റ പൂക്കളത്തൂര്‍ കണയംകോട്ടില്‍ ജാവിദ് നേരത്തെ പോലീസിന്റെ പിടിയിലായിരുന്നു. പ്രതികള്‍ക്കെതിരെ പോക്‌സോ വകുപ്പുകളും ബലാൽസംഗ കുറ്റവും ചുമത്തി പോലീസ് കേസ് രജിസ്‌റ്റര്‍ ചെയ്‌തു.

Malabar News: കുട്ടികളുടെ അശ്‌ളീല വീഡിയോ കണ്ടു; റിട്ടയേര്‍ഡ് എസ്‌ഐ അറസ്‌റ്റിൽ 

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE