ഝലവാർ: രാജസ്ഥാനിലെ ഝലവാറിൽ പ്രായപൂർത്തിയാകാത്ത പെൺകുട്ടിയെ കൂട്ടബലാൽസംഗത്തിന് ഇരയാക്കിയ കേസിൽ 20 പേരെ അറസ്റ്റ് ചെയ്തതായി പോലീസ്. വിവിധ സ്ഥലങ്ങളിൽ എത്തിച്ചാണ് ഒരാഴ്ചയിലേറെ പെൺകുട്ടിയെ ക്രൂരമായി പീഡനത്തിന് ഇരയാക്കിയത്.
‘15 വയസുകാരിയെ രണ്ടുപേർ ചേർന്ന് ഝലവാറിലേക്ക് കൊണ്ടുപോയി. അവിടെ നിന്ന് ഏഴ് മുതൽ എട്ട് ദിവസം വരെ നിരവധി പേർ ചേർന്ന് ബലാൽസംഗം ചെയ്തു’; കോട്ട പോലീസ് സൂപ്രണ്ട് ശരദ് ചൗധരി പറഞ്ഞു. കേസിൽ 20 പേരെ അറസ്റ്റ് ചെയ്തതായും പോലീസ് അറിയിച്ചു.
പ്രതികളെല്ലാം ഝലവാറിൽ നിന്നുള്ളവരാണെന്ന് പോലീസ് പറഞ്ഞു. പ്രതികളുടെ തിരിച്ചറിയൽ പരേഡ് ഉടൻ നടത്തുമെന്നും സംഭവത്തിൽ കൂടുതൽ പേർക്ക് പങ്കുണ്ടോയെന്ന് അന്വേഷിച്ചു വരികയാണെന്നും പോലീസ് വ്യക്തമാക്കി.
Read Also: പ്രധാനമന്ത്രി ഈ മാസം ബംഗ്ളാദേശ് സന്ദർശിക്കും