തിരുവനന്തപുരം : സംസ്‌ഥാനത്ത് കൂടുതല്‍ പോലീസ് സ്‌റ്റേഷനുകള്‍ കൂടി ശിശുസൗഹൃദമാകാന്‍ ഒരുങ്ങുന്നു. വിവിധ ജില്ലകളിലായി 16 പോലീസ് സ്‌റ്റേഷനുകളാണ് നാളെ മുതല്‍ ശിശുസൗഹൃദ പോലീസ് സ്‌റ്റേഷനുകളാകുന്നത്. കേരള പോലീസിന്റെ ഔദ്യോഗിക ഫേസ്ബുക്ക് പേജിലൂടെ ഇത് സംബന്ധിച്ച വിവരങ്ങള്‍ പുറത്തുവിട്ടിട്ടുണ്ട്.
സംസ്‌ഥാനത്ത് ചടയമംഗലം, അഞ്ചല്‍, പത്തനാപുരം, എറണാകുളം സിറ്റി ഇന്‍ഫോപാര്‍ക്ക്, എറണാകുളം സിറ്റി സൈബര്‍ പോലീസ് സ്‌റ്റേഷന്‍, എറണാകുളം സിറ്റി വനിതാ പോലീസ് സ്‌റ്റേഷന്‍, ഒറ്റപ്പാലം, മലമ്പുഴ, ചങ്ങരംകുളം, നിലമ്പൂര്‍, താനൂര്‍, ചോമ്പാല, പാനൂര്‍, ആന്തൂര്‍, രാജാപുരം, ബദിയടുക്ക എന്നിവയാണ് നാളെ മുതല്‍ ശിശുസൗഹൃദമാകാന്‍ ഒരുങ്ങുന്ന പോലീസ് സ്‌റ്റേഷനുകള്‍.
നാളെ രാവിലെ 11 മണിയോടെ പോലീസ് ആസ്‌ഥാനത്ത് വച്ച് നടക്കുന്ന ചടങ്ങില്‍ സംസ്‌ഥാന പോലീസ് മേധാവി ശിശുസൗഹൃദ പോലീസ് സ്‌റ്റേഷനുകളുടെ ഉല്‍ഘാടനം നിര്‍വഹിക്കും. കോവിഡ് വ്യാപനം കണക്കിലെടുത്ത് വീഡിയോ കോണ്‍ഫറന്‍സ് വഴിയായിരിക്കും ഉല്‍ഘാടന ചടങ്ങുകള്‍ നടക്കുക.
Read also : പ്രതിപക്ഷ നേതാവെത്തി; എല്ലാം ശരിയായി; ആകാശവാണി ആലപ്പുഴ സ്‌റ്റേഷൻ തുടർന്ന് പ്രവർത്തിക്കും
