അബുദാബി : കഴിഞ്ഞ 24 മണിക്കൂറിൽ യുഎഇയിൽ 1,772 ആളുകൾക്ക് കൂടി കോവിഡ് ബാധിച്ചതായി ആരോഗ്യ പ്രതിരോധ മന്ത്രാലയം വ്യക്തമാക്കി. ഇതോടെ രാജ്യത്ത് ഇതുവരെ കോവിഡ് ബാധിതരായ ആകെ ആളുകളുടെ എണ്ണം 5,25,567 ആയി ഉയർന്നിട്ടുണ്ട്. കൂടാതെ 1,769 ആളുകളാണ് കഴിഞ്ഞ 24 മണിക്കൂറിൽ രാജ്യത്ത് രോഗമുക്തരായത്.
നിലവിൽ രാജ്യത്ത് രോഗബാധിതരായ ആകെ ആളുകളിൽ 5,06,020 പേരും ഇതുവരെ രോഗമുക്തരായിട്ടുണ്ട്. കൂടാതെ കഴിഞ്ഞ 24 മണിക്കൂറിൽ രാജ്യത്ത് റിപ്പോർട് ചെയ്ത 3 കോവിഡ് മരണങ്ങൾ കൂടിയായപ്പോൾ രാജ്യത്തെ ആകെ കോവിഡ് മരണസംഖ്യ 1,596 ആയി ഉയർന്നു.
കഴിഞ്ഞ 24 മണിക്കൂറിൽ 1,769 ആളുകൾ കൂടി രോഗമുക്തരായപ്പോൾ രാജ്യത്ത് നിലവിൽ രോഗബാധിതരായി ചികിൽസയിൽ കഴിയുന്നവരുടെ എണ്ണം 17,951 ആയി. ഒപ്പം തന്നെ കഴിഞ്ഞ ദിവസം മാത്രം രാജ്യത്ത് 1,56,940 കോവിഡ് പരിശോധനകൾ നടത്തിയതായും ആരോഗ്യ പ്രതിരോധ മന്ത്രാലയം വ്യക്തമാക്കി.
Read also : കോവിഡ് വ്യാപനം; ഒമാനിൽ മെയ് 8 മുതൽ കർശന നിയന്ത്രണം