ആലപ്പുഴ: ആലപ്പുഴയിലെ ചെങ്ങന്നൂരിൽ വിഗ്രഹ നിർമ്മാണശാല ആക്രമിച്ച് രണ്ടു കോടി വിലമതിക്കുന്ന പഞ്ചലോഹ വിഗ്രഹം കവർന്നു. ഇന്നലെ രാത്രി ഒമ്പതരയോടെ ആയിരുന്നു സംഭവം. ബൈക്കിലെത്തിയ സംഘം തൊഴിലാളികളെ മർദ്ദിച്ച് അവശരാക്കിയശേഷം വിഗ്രഹം കവർന്നുകൊണ്ടു പോകുകയായിരുന്നു എന്ന് ഉടമകൾ പറയുന്നു.
ലണ്ടനിലെ ക്ഷേത്രത്തിൽ പ്രതിഷ്ഠിക്കാനായി നിർമ്മിച്ച 60 കിലോ തൂക്കമുള്ള അയ്യപ്പവിഗ്രഹം ആണ് സംഘം കവർന്നത്. സ്ഥാപനത്തിൽ മുമ്പ് ജോലി ചെയ്തിരുന്ന ആളുടെ നേതൃത്വത്തിലായിരുന്നു ആക്രമണം എന്നാണ് സൂചന. തൊഴിൽ തർക്കമാണ് സംഭവത്തിനു പിന്നിലെന്നാണ് പോലീസ് സംശയിക്കുന്നത്. പ്രതികൾക്കായി അന്വേഷണം ഊർജിതമാക്കിയിട്ടുണ്ടെന്നു പോലീസ് അറിയിച്ചു.
Malabar News: ദേശീയ നിലവാരവുമായി പിലാത്തറ ഇന്ഡോര് സ്റ്റേഡിയം; ഉദ്ഘാടനം ഇന്ന്