അയോധ്യ: സരയു നദിയില് കുളിക്കാനിറങ്ങിയ ഒരു കുടുംബത്തിലെ മൂന്നു പേര് മുങ്ങിമരിച്ചു. ആറ് പേരെ കാണാതായി. ആറുപേരെ പ്രദേശവാസികളും രക്ഷാപ്രവര്ത്തകരും രക്ഷിച്ചു. ആഗ്രയില്നിന്ന് അയോധ്യ സന്ദര്ശിക്കാനെത്തിയ 15 അംഗ സംഘമാണ് സരയു ഗുപ്തര് ഘട്ടില് കുളിക്കുന്നതിനിടെ ഒഴുക്കില്പെട്ടത്.
കുടുംബാംഗങ്ങള് ഒരുമിച്ച് നദിയില് ഇറങ്ങിയപ്പോള് ചിലര് ഒഴുക്കില് പെടുകയായിരുന്നു. അവരെ രക്ഷിക്കാന് ശ്രമിക്കുന്നതിനിടെയാണ് മറ്റുള്ളവരും അപകടത്തില്പെട്ടത്. കാണാതായ ആറുപേര്ക്കായി തിരച്ചില് ഊര്ജിതമാക്കാന് മുഖ്യമന്ത്രി യോഗി ആദിത്യനാഥ് നിര്ദേശം നല്കി. പോലീസും മുങ്ങല് വിദഗ്ധരും സ്ഥലത്ത് എത്തിയിട്ടുണ്ട്. രക്ഷാപ്രവര്ത്തനം തുടരുകയാണെന്ന് അയോധ്യ ജില്ലാ മജിസ്ട്രേറ്റ് അനുജ് കുമാര് ഝാ വ്യക്ത്തമാക്കി.
Read also: കോവിഡ് കേസുകൾ കുറഞ്ഞു; ഗുജറാത്തിലും ഹരിയാനയിലും അടുത്ത ആഴ്ച മുതൽ സ്കൂളുകൾ തുറക്കും