ഈജിപ്‌തിൽ ട്രെയിനുകൾ കൂട്ടിയിച്ച് 32 മരണം; 60ലേറെ പേർക്ക് പരിക്ക്

By Staff Reporter, Malabar News
train crash

താഹ്ത: ഈജിപ്ഷ്യൻ നഗരമായ സൊഹാഗിൽ രണ്ട് ട്രെയിനുകൾ കൂട്ടിയിടിച്ചുണ്ടായ അപകടത്തിൽ 32 പേർ കൊല്ലപ്പെട്ടു. 60ലധികം പേർക്ക് പരിക്കേൽക്കുകയും ചെയ്‌തതായി റിപ്പോർട്.

വെള്ളിയാഴ്‌ചയാണ് അപകടം നടന്നത്. 2002ല്‍ 373 പേരുടെ മരണത്തിനിടയാക്കിയ ദുരന്തത്തിനു ശേഷം രാജ്യം സാക്ഷ്യം വഹിക്കുന്ന മറ്റൊരു വലിയ ട്രെയിന്‍ അപകടമാണിത്. അന്ന് നിറയെ യാത്രക്കാരുമായി പോയ ട്രെയിന്‍ കത്തിയമരുകയായിരുന്നു.

തലസ്‌ഥാന നഗരമായ കെയ്‌റോക്ക് 500 കിലോമീറ്റർ (260 മൈൽ) തെക്ക് ഭാഗത്തുള്ള സോഹാഗ് നഗരത്തിന് സമീപത്തു വെച്ച് അജ്‌ഞാതരായ ചിലർ അടിയന്തര ബ്രേക്കുകൾ വലിച്ചതാണ് കൂട്ടിയിടിക്ക് കാരണമെന്ന് റെയിൽവേ അതോറിറ്റി അറിയിച്ചു. രക്ഷാ പ്രവർത്തനങ്ങൾ പുരാഗമിക്കുകയാണ്​.

32 പേർ കൊല്ലപ്പെടുകയും 66 പേർക്ക് പരിക്കേൽക്കുകയും ചെയ്‌തതായി ആരോഗ്യ മന്ത്രാലയം പ്രസ്‌താവനയിൽ അറിയിച്ചു. ഗുരുതരമായി പരിക്കേറ്റ 50 ലേറെ പേരെ സമീപത്തുള്ള നാല് ആശുപത്രികളിലേക്ക് മാറ്റിയിട്ടുണ്ട്. സംഭവത്തിൽ അന്വേഷണം നടത്തുന്നുണ്ടെന്നും റിപ്പോർട്ടിൽ പറയുന്നു.

അതേസമയം കുറ്റക്കാർക്കെതിരെ കടുത്ത നടപടി സ്വീകരിക്കുമെന്ന് പ്രസിഡണ്ട് അബ്‌ദുൽ ഫത്താഹ് എൽ സിസി വ്യക്‌തമാക്കി.

Read Also: ബംഗാളില്‍ തൃണമൂല്‍ ഓഫീസില്‍ സ്‌ഫോടനം; ബോംബ് നിര്‍മാണത്തിനിടെ സംഭവിച്ചതെന്ന് ബിജെപി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE