കുവൈറ്റ്: 16 വയസിന് മുകളിൽ പ്രായമുള്ള 32 ലക്ഷം ആളുകൾ പൂർണമായും കോവിഡ് വാക്‌സിൻ സ്വീകരിച്ചതായി കുവൈറ്റ് ആരോഗ്യ മന്ത്രാലയം. ഇവരിൽ 10 ലക്ഷം ആളുകൾ ഇതിനോടകം ബൂസ്‌റ്റർ ഡോസ് സ്വീകരിച്ചവരാണെന്നും അധികൃതർ വ്യക്‌തമാക്കി.
കോവിഡ് വാക്‌സിന്റെ രണ്ട് ഡോസ് സ്വീകരിച്ച് 6 മാസം പിന്നിട്ട 16 വയസിന് മുകളിലുള്ള ആളുകൾക്കാണ് ബൂസ്‌റ്റർ ഡോസ് വിതരണം ചെയ്യുന്നത്. ഇവരിൽ 40 വയസിന് മുകളിലുള്ള ആളുകൾക്ക് മുൻകൂട്ടി ബുക്ക് ചെയ്യാതെ തന്നെ വാക്‌സിനേഷൻ കേന്ദ്രത്തിലെത്തി വാക്‌സിൻ സ്വീകരിക്കാവുന്നതാണ്.
നിലവിൽ കുവൈറ്റിൽ കോവിഡ് കേസുകളിൽ വലിയ കുറവ് രേഖപ്പെടുത്തിയിട്ടുണ്ട്. അതിനാൽ തന്നെ സാമൂഹിക അകലം പാലിക്കുന്നത് ഉൾപ്പടെയുള്ള നിയന്ത്രണങ്ങൾ കഴിഞ്ഞ മാസം തന്നെ രാജ്യത്ത് നിന്നും പിൻവലിച്ചിരുന്നു. കൂടാതെ വാക്‌സിൻ സ്വീകരിക്കാത്ത ആളുകളെ ഷോപ്പിങ് മാളുകളിലും സിനിമ തിയേറ്ററുകളിലും നിലവിൽ പ്രവേശിപ്പിച്ചു തുടങ്ങുകയും ചെയ്‌തു.
Read also: ടിക്കറ്റ് ചാർജ് വർധന; ബസുടമകളുടെ ആവശ്യം ന്യായമെന്ന് മന്ത്രി
