കോഴിക്കോട്: നിർമാണം പൂർത്തിയാക്കി 34 വർഷം പിന്നിടുമ്പോഴും മണ്ണൂർ ചരക്കടവ് പാലത്തിൽ ഇന്നും വാഹനത്തിന്‌ പ്രവേശനമില്ല. കടലുണ്ടി പഞ്ചായത്തിലെ മണ്ണൂരിനെയും മലപ്പുറം ജില്ലയിലെ ചേലേമ്പ്ര പഞ്ചായത്തിലെ പുല്ലിപ്പറമ്പിനെയും ബന്ധിപ്പിക്കുന്ന മുക്കത്ത് കടവ് പുഴയ്‌ക്ക്‌ കുറുകെ 1987ലാണ് പാലം നിർമിച്ചത്.
സാധാരണ വാഹനങ്ങൾക്കൊപ്പം മിനി ബസ് സർവീസെങ്കിലും ആരംഭിക്കാമെന്ന് കരുതിയായിരുന്നു നിർമാണം. എന്നാൽ പാലത്തിന്റെ ഇരുഭാഗത്തും അപ്രോച്ച് റോഡിനായി സ്‌ഥലം കിട്ടിയില്ല. പാലം 20 അടിയോളം ഉയരത്തിലാണ് നിർമിച്ചത്.
ഇതിന് സമാനമായി റോഡില്ലാതായതോടെ മൂന്ന് വർഷത്തിനുശേഷം ചവിട്ടുപടികൾ നിർമിച്ച് കാൽനടയാത്രയ്‌ക്ക്‌ സൗകര്യമൊരുക്കിയെങ്കിലും കയറിയിറങ്ങൽ വലിയ സാഹസമാണ്.
ടികെ ഹംസ മന്ത്രിയായപ്പോഴാണ് പാലം നിർമിച്ചത്. പലവിധ കാരണങ്ങളാൽ അപ്രോച്ച് റോഡ് ആവശ്യം നിറവേറ്റപ്പെട്ടില്ലെങ്കിലും, ഇപ്പോൾ ചേലേമ്പ്ര പഞ്ചായത്ത് അധികൃതരും പുല്ലിപ്പറമ്പ് നിവാസികളും പാലം ഗതാഗത യോഗ്യമാക്കണമെന്ന ആവശ്യവുമായി വന്നിട്ടുണ്ട്‌.
Read Also: കർഷക സമരം ഏഴാം മാസത്തിലേക്ക്; ഗവര്‍ണറുടെ വസതിയിലേക്ക് ഇന്ന് മാര്‍ച്ച്
