കണ്ണൂർ: സുഹൃത്തുക്കൾക്കൊപ്പം പുഴയിൽ നീന്താൻ ഇറങ്ങിയ 42 കാരനെ ഒഴുക്കിൽപ്പെട്ട് കാണാതായി. പെരിങ്ങോം കൊരങ്ങാട് സ്വദേശിയെയാണ് ചെറുപുഴയിൽ ഒഴുക്കിൽപ്പെട്ട് കാണാതാത്. ടാപ്പിങ് തൊഴിലാളിയായ പ്രദീപിനെയാണ് (42) ചെറുപുഴ ആവുള്ളാം കയത്തിൽ കാണാതായത്. പെരിങ്ങോം ഫയർഫോഴ്സും നാട്ടുകാരും ചേർന്ന് തിരച്ചിൽ നടത്തുകയാണ്.
അതിനിടെ, തിരുവനന്തപുരം ആഴിമലയിൽ യുവാവ് കടലിൽ വീണ് മരിച്ചു. പുനലൂർ അരുംപുന്ന സ്വദേശി ജ്യോതിസ് (24) ആണ് മരിച്ചത്. വിനോദസഞ്ചാര സംഘത്തിനൊപ്പം ഇന്ന് ഉച്ചതിരിഞ്ഞാണ് ജ്യോതിസ് ആഴിമലയിൽ എത്തിയത്. പാറക്കെട്ടിൽ നിന്ന് ഫോട്ടോ എടുക്കുന്നതിനിടെ കാൽവഴുതി കടലിലേക്ക് വീഴുകയായിരുന്നു. കോസ്റ്റൽ പോലീസെത്തി മൃതദേഹം മെഡിക്കൽ കോളേജ് ആശുപത്രിയിലേക്ക് മാറ്റി.
Most Read: തോമസ് കപ്പ് ബാഡ്മിന്റണ്; ഇന്ത്യൻ ടീമിന് അഭിനന്ദനവുമായി മുഖ്യമന്ത്രി