തിരുവനന്തപുരം: ജില്ലയിൽ 9ആം ക്ളാസ് വിദ്യാർഥിനിയെ ആത്മഹത്യ ചെയ്ത നിലയിൽ കണ്ടെത്തി. നെയ്യാറ്റിൻകര കുന്നത്തുകാൽ സ്വദേശിനി ആർഷ ഷാജിയെയാണ് തൂങ്ങിമരിച്ച നിലയിൽ കണ്ടെത്തിയത്. കാരക്കോണം പരമുപിള്ള മെമ്മോറിയാൽ ഹൈസ്കൂളിലെ വിദ്യാർഥിനി ആയിരുന്നു 14 വയസുകാരി ആർഷ.
പ്രാഥമിക പരിശോധനയിൽ ആത്മഹത്യ ആണെന്ന് പോലീസ് വ്യക്തമാക്കി. സംഭവത്തിൽ വെള്ളറട പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. വീട്ടിലെ ജനൽ കമ്പിയിലാണ് ആർഷയെ തൂങ്ങിയ നിലയിൽ കണ്ടെത്തിയത്. തുടർന്ന് ബന്ധുക്കൾ ചേർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.
പ്രണയനൈരാശ്യമാണ് ആത്മഹത്യക്ക് വഴിവച്ചതെന്നാണ് വെള്ളറട പോലീസ് വ്യക്തമാക്കുന്നത്. ആത്മഹത്യാ കുറിപ്പ് ഉണ്ടോയെന്ന് പോലീസ് പരിശോധിക്കും.
Read also: ചിൽഡ്രൻസ് ഹോമിൽ നിന്ന് രക്ഷിതാക്കൾക്കൊപ്പം വിട്ടയച്ച പെൺകുട്ടിയെ വീണ്ടും കാണാതായി