തിരുവനന്തപുരം: എപിജെ അബ്ദുൽ കലാം സാങ്കേതിക സർവകലാശാലയുടെ അവസാന സെമസ്റ്റർ പരീക്ഷകൾ ഓൺലൈനായി നടത്താൻ തീരുമാനിച്ചതായി വൈസ് ചാൻസലർ. പരീക്ഷ നടത്തിപ്പ് സംബന്ധിച്ച് സിൻഡിക്കേറ്റ് അക്കാഡമിക്, പരീക്ഷാ ഉപസമിതികളുടെ നിർദേശത്തെ തുടർന്നാണ് തീരുമാനം.
ജൂൺ 22 മുതൽ 30 വരെയാണ് പരീക്ഷകൾ നടത്തുക. വിദ്യാർഥികൾക്ക് അവരുടെ വീടുകളിൽ നിന്ന് പരീക്ഷകളിൽ പങ്കെടുക്കുവാൻ കഴിയും. ഇക്കാര്യം സംബന്ധിച്ച വിശദമായ മാർഗരേഖ ഉടൻ പുറത്തിറക്കും. കൂടാതെ ജൂലൈ മൂന്നാംവാരത്തോടെ തന്നെ വിദ്യാർഥികൾക്ക് സർട്ടിഫിക്കറ്റുകളും ഗ്രേഡ് കാർഡുകളും ലഭ്യമാക്കുമെന്നും വൈസ് ചാൻസലർ അറിയിച്ചു.
Read also: എങ്കിൽ മരണ സർട്ടിഫിക്കറ്റിലും മോദിയുടെ ഫോട്ടോ വയ്ക്കൂ; വിമർശനവുമായി എൻഡിഎ സഖ്യകക്ഷി നേതാവ്
