തിരുവനന്തപുരം: കനത്ത മഴ സാധ്യത കണക്കിലെടുത്ത് സംസ്ഥാനത്തെ 11 ജില്ലകളിൽ ഇന്നും നാളെയും യെല്ലോ അലർട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, കോഴിക്കോട്, തൃശൂര്, മലപ്പുറം, കണ്ണൂര്, കാസര്ഗോഡ്, വയനാട് എന്നീ ജില്ലകളിലാണ് യെല്ലോ അലർട് പുറപ്പെടുവിച്ചത്.
ഇന്നും നാളെയും ഈ ജില്ലകളില് ശക്തമായ മഴയുണ്ടാകുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, മലപ്പുറം ജില്ലകളില് വെള്ളിയാഴ്ച വരെ മഴയുണ്ടാകും.
ആന്ഡമാന് തീരത്ത് മണിക്കൂറില് 60 കിലോമീറ്റര് വരെ വേഗതയിലുള്ള കാറ്റ് വീശാന് സാധ്യതയുള്ളതിനാല് പ്രദേശത്ത് മൽസ്യ ബന്ധനത്തിനുള്ള നിയന്ത്രണങ്ങള് തുടരും. അറബിക്കടലിലെ കാലവര്ഷക്കാറ്റിന്റെയും കേരളത്തിന് മുകളിലുള്ള ചക്രവാതച്ചുഴിയുടെയും സ്വാധീനഫലമായാണ് കേരളത്തില് പരക്കെ മഴ ലഭിക്കുന്നത്.
അടുത്ത മൂന്ന് മണിക്കൂറില് തിരുവനന്തപുരം, കൊല്ലം, കോട്ടയം, എറണാകുളം, മലപ്പുറം ജില്ലകളിലെ ഒറ്റപ്പെട്ടയിടങ്ങളില് മഴയുണ്ടാകുമെന്നും കേന്ദ്ര കാലാവസ്ഥാ വകുപ്പ് അറിയിച്ചു.
Most Read: ഉമർ ഖാലിദിന്റെ പ്രസംഗം ഭീകര പ്രവർത്തനമല്ല; ഡെൽഹി ഹൈക്കോടതി