തിരുവനന്തപുരം: മാറനല്ലൂർ കൂവളശേരിയിൽ ആർ ജയയുടെ മരണം (58) കൊലപാതകമെന്ന് പോലീസ്. നെഞ്ചിലേറ്റ ക്ഷതമാണ് മരണകാരണം. സംഭവത്തിൽ മകൻ ബിജുവിനെ (35) ഇന്നലെ പോലീസ് കസ്റ്റഡിയിൽ എടുത്തിരുന്നു. അറസ്റ്റ് ഇന്ന് രേഖപ്പെടുത്തും. ജയ ആറുമാസമായി പക്ഷാഘാതത്തിന് ചികിൽസയിൽ ആയിരുന്നു.
ചൊവ്വാഴ്ച രാവിലെയാണ് ജയയെ വീടിനുള്ളിൽ മരിച്ച നിലയിൽ കണ്ടെത്തിയത്. അയൽവാസി ജയയെ തിരക്കിയപ്പോൾ കിടപ്പുമുറിയിലെ കട്ടിലിൽ കിടക്കുന്നതാണ് കണ്ടത്. വിളിച്ചിട്ട് അനക്കമില്ലാത്തതിനാൽ സമീപവാസികൾ വിവരം അറിയിച്ചു. ഈ സമയത്ത് മകൻ ബിജു വീട്ടിൽ തന്നെ ഉണ്ടായിരുന്നു. തുടർന്ന് നാട്ടുകാർ പോലീസിൽ വിവരം അറിയിക്കുകയായിരുന്നു. മൃതദേഹത്തിൽ മർദ്ദനമേറ്റതിന്റെ പാടുകൾ ഉണ്ടായിരുന്നു. ബിജു മദ്യപിച്ചു വീട്ടിൽ ബഹളമുണ്ടാക്കുന്നത് പതിവാണെന്ന് പോലീസ് പറഞ്ഞു.
Most Read| ഊട്ടി-കൊടൈക്കനാൽ യാത്രകൾക്ക് നിയന്ത്രണം ഏർപ്പെടുത്തി മദ്രാസ് ഹൈക്കോടതി
